VOV4.K’ho – Mho òr 09/12, tàm Hìu Gơnoar ala mat dà lơgar, bơh bơta đơng lam bơh ồng Nguyễn Sinh Hùng kuang atbồ Gơnoar ala mat dà lơgar dê, Anih duh broă sùm Gơnoar ala mat dà lơgar mu\t pơrjum dơ\ 43. Đơs mu\t pơrjum, ồng Nguyễn Sinh Hùng đơs loh: Tàm dơ\ pơrjum do, Anih duh broă sùm Gơnoar ala mat dà lơgar geh tă pơgồp jơnau đơs tàm ală sră nggal gơrềng tus broă mu\t lơh Adat bơyai lơh Gơnoar ala mat dà lơgar bơh kơnòl broă, gơnoar broă, rơndăp tăp sèng mpồl kuang bàng bơh Cơldu\ lơh broă Mpồl kuang bàng Gơnoar ala mat dà lơgar dê; ai ngui kơrnoat lơh broă bơh Anih duh broă sùm Gơnoar ala mat dà lơgar dê; rơndăp tăp sèng mpồl kuang bàng, kơnòl broă, gơnoar broă loh làng bơh Mpồl cau gơnoar cih mờ Cơldu\ lơh broă Gơnoar ala mat dà lơgar dê. Geh lơh tơnơ\ tu\ tơn jơh pơrjum dơ\ 10, tàm dơ\ pơrjum do, Anih duh broă sùm Gơnoar ala mat dà lơgar kung geh lời tu\ jiơ sền wơl cồng nha dơ\ pơrjum pa do, mơkung ai jơnau đơs bơh sơnrờp bè rơcang pơrjum dơ\ 11 tus in. Ồng Nguyễn Sinh Hùng tơngkah, tàm tơngai bơh tu\ do tus pơrjum dơ\ 11 ờ uă, do kung là tu\ tơngai lồi nam mờ uă broă lơh rơcang tơn jơh broă lơh ală gah sơnah lơh broă dà lơgar dê kung bè rơcang tus Pơrjum dờng Đảng gùt lơgar dơ\ 12, tơngkah 70 nam dơ\ te\ khà bơh sơnrờp. Den tàng bè hơ\, ồng Nguyễn Sinh Hùng sồr ală kuang bàng tàm Anih duh broă sùm Gơnoar ala mat dà lơgar mờ ală anih lơh broă geh gơrềng rơndăp tăp sèng tu\ jiơ dipal nàng lơh jơh niam broă lơh.

Cau cih mờ yal tơngi\t- Lơ Mu K’ Yến