VOV4.K’ho –  Drim òr 17/02, tàm Hìu Gơnoar ala mat dà lơgar dê, bơh bơta đơng lam bơh ồng Nguyễn Sinh Hùng kuang atbồ Gơnoar ala mat dà lơgar dê, Anih duh broă sùm Gơnoar ala mat dà lơgar mu\t pơrjum dơ\ 45 mờ uă broă kuơmàng nàng rơcang tus pơrjum dơ\ 11 Gơnoar ala mat dà lơgar kơnă 13, rơcang mu\t pơrjum tàm nhai 03 tus do. Đơs mu\t pơrjum, ồng Nguyễn Sinh Hùng, pà gi\t: Pơrjum dơ\ 11 là dơ\ pơrjum du\t ndơl bơh tơngai lơh broă Gơnoar ala mat dà lơgar kơnă 13 den tàng geh uă broă kuơmàng ngan. Pơrjum dơ\ do geh mu\t lơh tơn jơh broă lơh bơh Gơnoar ala mat dà lơgar, ală anih lơh broă Gơnoar ala mat dà lơgar, Gơnoar atbồ lơgar, Kuang atbồ lơgar, ală anih lơh broă adat boh lam. Gơnoar ala mat dà lơgar kung geh lơh jơh broă lơh jat Sơnoa boh lam nam 2013 mờ broă ring bal ală adat, kơrnoat mờ ală jơnau bơto pơlam pal geh ndai nàng lơh jat Sơnoa boh lam, lam ai Sơnoa boh lam mu\t ngui tàm rài kis. Ồng Nguyễn Sinh Hùng kung đơs loh: Tàm dơ\ pơrjum do, Gơnoar ala mat dà lơgar kung geh cribơyai, lơh nền ală broă, kơnòl broă, gùng dà broă lơh mờ broă rơndăp lơh bơtàu tơnguh lơh sa- mpồl bơtiàn, lơh broă mờ lơgar ndai, sền gàr dà lơgar lơngăp lơngai ai 5 nam tus in; lơh ngan lơh jơh nàng ki\ ring bal tơn jơnau pơrgon TPP tàm dơ\ pơrjum dơ\ 11 tus do. Dùl broă kuơmàng tai là dơ\ te\ khà pồ kuang bàng Gơnoar ala mat dà lơgar mờ kuang bàng Mpồl duh broă ala mat làng bol. Ồng Nguyễn Sinh Hùng sồr tàm dơ\ pơrjum 45 do, Anih duh broă sùm Gơnoar ala mat dà lơgar, ală anih lơh broă geh gơ rềng kờn pal sền wơl jơh ală broă nàng chul chồl broă lơh bơh Mpồl duh broă te\ khà dà lơgar, lơh geh tơl ală bơta ai Mpồl duh broă te\ khà dà lơgar mờ Anih duh broă sùm Gơnoar ala mat dà lơgar in pơn jat tai đơng lam dơ\ te\ khà lơh geh cồng nha.

Cau cih mờ yal tơngi\t- Lơ Mu K’ Yến