VOV4.K’ho – Drim òr 24/4, tàm Hìu Gơnoar ala mat dà lơgar, Anih duh broă sùm Gơnoar ala mat dà lơgar mu\t pơrjum dơ\ 47.

Tàm dơ\ pơrjum do, Anih duh broă sùm Gơnoar ala mat dà lơgar ai jơnau đơs bè broă ai ngui Kơrnoat bè dong kờl priă jền mờ ală bơta pal geh kờn lơh niam broă lơh bơh kuang bàng Mpồl duh broă ala mat làng bol dê; Ai jơnau đơs bè Sră mblàng bơh Kuang atbồ Anih cah r`a jơnhoa hơđang rlau jơh dà lơgar dê bè phan ngui soh mờ sră kim ta bơh Kuang atbồ anih cah r`a; bè dong kờl priă nhai, priă dong kờl ndai gơ wèt tus mờ kuang bàng, cau lơh broă sa priă nhai dà lơgar mờ cau lơh broă tàm Anih cah r`a; bè bơtơl ing bè cau lơh broă sa priă nhai, khà kuang bàng atbồ Anih cah r`a dờng màng, di mơ mờ dềt. Anih duh broă sùm Gơnoar ala mat dà lơgar kung ai jơnau đơs bè ală rơndăp cih Kơrnoat bè broă tam cah anih lơh broă sră nggal dà lơgar; Kơrnoat bè tơl khà anih lơh broă sră nggal dà lơgar mờ broă lơh tam gơl wơl nhàr ù tiah anih lơh broă sră nggal dà lơgar; Kơrnoat bè tam cah tiah drà. Tàm dơ\ pơrjum 47 do, Anih duh broă sùm Gơnoar ala mat dà lơgar geh sền sơ wì cồng nha pơrjum dơ\ 11, Gơnoar ala mat dà lơgar kơnă 13 mờ ai jơnau đơs bơh sơn rờp bè broă rơcang pơrjum dơ\ dùl, Gơnoar ala mat dà lơgar kơnă XIV. Anih duh broă sùm Gơnoar ala mat dà lơgar geh ai jơnau đơs bè sền sơ wì ai gơnoar tơn pồ kuang atbồ anih lơh broă ala mat lơgar Việt Nam tơngai lơh broă bơh nam 2016- 2019 tàm bàr pe lơgar.

Cau cih mờ yal tơngi\t- Lơ Mu K’ Yến