VOV4.K’ho – Mho ngai 10/9, tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân đơs mut pơrjum dơ\ 48 bơh Ủy ban Thường vụ Quốc hội dê. Geh lơh bơh ngai 10 tus ngai 18/9, dơ\ pơrjum do, Ủy ban Thường vụ Quốc hội geh cribơyai ua\ tơngume kuơmàng.

Bè broă lơh bơt bơtàu adat boh lam, tàm pơrjum dơ\ 48 do, Ủy ban Thường vụ Quốc hội ai jơnau đơs bè 5 rơndap lơh adat. Hơ\ là: Adat tam gơl, bơ tơl 2, 3 bơta bơh Adat Công đoàn dê; Adat mpồl tus bal sền gàr lơngap lơngai, ờ do ờ dă tàm kấp hơ đơm; Adat rơcang sơndră ma túy (tam gơl); Adat gùng lòt ù gờl (tam gơl) mờ Adat sền gàr ờ do ờ dă gùng lòt ù gờl.

Jat broă lơh rơcang lài, tàm pơrjum, Ủy ban Thường vụ Quốc hội kung ai jơnau đơs bè broă rơcang tus pơrjum dơ\ 10 bơh Quốc hội dê; broă bơ tơl mpồl phan bơna, phan lơh sơ nơm tàm mat phan rơcang gàr lài dà lơgar; broă bơ tơl pria\ blơi phe prap rơcang lài dà lơgar mờ ală tơngume kuơmàng ndai.

Cau mblàng K’Duẩn