VOV4.K’ho – Drim do 17/4, tàm Hìu Quốc hội, Ủy ban Thường vụ Quốc hội mu\t pơrjum dơ\ 9 mờ uă tơngume kuơmàng nàng rơcang tus pơrjum dơ\ 3, Quốc hội kơnă XIV in rơcang geh lơh tàm ngai 20/5 tus do. Tàm dơ\ pơrjum do, Ủy ban Thường vụ Quốc hội geh bơyai lơh dơ\ lùp Bộ trưởng Bộ lao động, Thương binh mờ Xã hội mờ Bộ trưởng Bộ Thông tin mờ truyền thông. Bơdìh hơ\ tai, tàm dơ\ pơrjum do, Thường vụ Quốc hội geh tă pơgồp jơnau đơs tàm broă iat kơno, lơh tam gơl wơl dơ\ 2 gơ wèt tus mờ ală rơndăp lơh Adat Dong kờl mpồl lơh sa kă bro dềt mờ di mơ, Adat Atbồ, ngui phan bơna dà lơgar (tam gơl), Adat Kơnòl tơm wơl bơh Dà lơgar dê (tam gơl), Adat tam gơl, bơtơl bàr pe bơta bơh Adat lơh tìs glài ku\p jàm nam 2015, Adat Atbồ, ngui phàu crong, phan bơrtoh mờ phan ngui dong kờl; ai jơnau đơs bè broă iat kơno, lơh tam gơl wơl dơ\ 3 rơndăp broă lơh Adat Rơndăp tăp sèng.

Ủy ban Thường vụ Quốc hội kung geh tă pơgồp jơnau đơs bàr pe tơngume ndai, bè broă rơcang pơrjum dơ\ 3; rơcăng Broă lơh adat boh lam, kơrnoat boh lam nam 2018, lơh tam gơl wơl Broă lơh bơ\t bơtàu adat boh lam, kơrnoat boh lam nam 2017; Jơnau yal bơh Chính phủ dê bè broă mu\t lơh, tềm pềr tam dră pơhì pơhà nam 2016; Jơnau yal cồng nha gròi sền tơngume “Broă mu\t lơh chính sách, adat boh lam bè ờdo ờdă phan sa tơngai bơh nam 2011- 2016” bal mờ uă tơngume kuơmàng ndai.

Cau cih mờ yal tơngi\t- Lơ Mu K’ Yến