VOV4.K’ho- Ngai òr 9/10, tàm Hà Nội, Pơrjum dơ\ puan Mpồl duh broă atbồ đơng lam Đảng Dà lơgar kơnă XII neh mu\t pơrjum. Pơrjum do, Mpồl duh broă atbồ đơng lam Đảng Dà lơgar geh cribơyai mờ tă pơgồp jơnau đơs bè: Broă lơh sa- mpồl bơtiàn nam 2016, rơcang broă rơndăp lơh bơtàu tơnguh lơh sa- mpồl bơtiàn nam 2017; bàr pe gùng dà broă lơh dờng kờn tam gơl broă gơguh tai, tơnguh jơnhoa cồng nha gơguh tai, cồng nha lơh broă, bơta pràn tàm pơrlòng bơh rài lơh sa dê; Mu\t lơh geh cồng nha ală broă lơh mu\t gơrờm bal lơh sa kă bro dunia, gàr kơ\ bơta lơngăp lơngai gùng dră bal- mpồl bơtiàn tàm tu\ tơngai lơgar he lơh bal ală jơnau pơrgon kă bro khat gơboh rài pa; Sơlơ bơ\t bơtàu, lơh niam wơl Đảng, kơryan, tơrmù bơta ờ niam bè nùs nhơm bồ tơngoh gùng dră bal, rài kis, ală bơta gơ tơngo\ “lơh gơlik is”, “lơh tam gơl is” tàm dơlam is mờ bàr pe bơta kuơmàng ndai. Đơs mu\t pơrjum, ồng Nguyễn Phú Trọng, Kuang atbồ đơng lam Đảng dà lơgar đơs tờm tus bàr broă kuơmàng tàm dơ\ pơrjum do là bơtàu tơnguh lơh sa- mpồl bơtiàn mờ broă mu\t lơh kơnòl broă dờng màng là bơ\t bơtàu, lơh niam wơl Đảng. Bè broă bơ\t bơtàu, lơh niam wơl Đảng, ồng Nguyễn Phú Trọng đơs loh: Mờ nùs nhơm sền tơn tàm bơta geh ngan, đơs di bơta geh ngan, sồr Dà lơgar pal sền sơnơng jrô ơnàng, lơh loh làng, sền go\ di bơta bơh tài gơban, geh ală broă lơh bơsong geh cồng nha bơta gơmù ờ niam tàm Đảng.

Cau cih mờ yal tơngi\t- Lơ Mu K’ Yến