VOV4.K’ho - Ngai òr nao 02/03, tàm hìu lơh broă anih duh broă dunia tàm Geneva lơgar Thụy Sĩ, pơrjum dờng màng kơnă 28 mpồl duh broă gơnuar kòn bơnus anih duh broă dunia neh pơrjum, mờ bơta tus bal bơh ală mpồl kuang bàng dờng màng bơh 90 lơgar mờ mpồl lơh broă dunia. Mpồl Việt Nam bơh ồng Nguyễn Quốc Cường kuang jat jơng atbồ gah cribơyai broă mờ lơgar ndai dà lơgar lam bồ tus bal pơrjum. Kuang atbồ anih duh broă dunia, kuang atbồ mpồl ală lơgar geh jơng tàm anih duh broă dunia, kuang atbồ mpồl duh broă gơnuar kòn bơnus mờ kuang atbồ đah lơh broă gơnuar kòn bơnus anih duh broă dunia neh geh jơnau đơs mut pơrjum, đơs tus ală bơta lòng tus mờ broă sền gàr mờ chul chồl gơnuar kòn bơnus tàm dunia, ngan là tam lơh geh phàu crong, bơta ờ ringbal, tam cah bơta sền dờng màng mờ tơnguh gơnuar bơh mpồl duh broă gơnuar kòn bơnus mờ anih duh broă dunia dê tàm broă bơ song ală bơta lòng hơ\. kờp du\ lài, pơrjum dơ\ 28 do, geh pơgap 40 rơndap cih kơrnuat bè ală bơta li la ngan gơ rềng tus gơnuar kòn bơnus, geh ală lơgar yal mờ mpồl duh broă gơnuar kòn bơnus sền sơ wì, cribơyai mờ ringbal.