VOV4.K’ho - Ngai òr (26/5), mpồl đơng lam Đảng kơnhoàl Bảo Lâm, càr Lâm Đồng neh mu\t pơrjum dờng dơ\ 5, tơngai lơh broă bơh nam 2015 tus 2020. Do là pơrjum dờng geh duh broă sùm mpồl đơng lam Đảng càr Lâm Đồng rơwah là pơrjum tòm khà kơnhoàl càr do dê. Jơnau yal tàm pơrjum dờng pà go\, tơngai lơh broă pa do, khà tơnguh lơh sa kơnhoàl Bảo Lâm sùm niam, bơta pràn lơh sa geh pờ ơnàng; kuơ màng ngan, lơh sa măy mo\k pờ tơl^k ồs đèng, jòi, lơh alumin là ală bơta pràn kơnhoàl do dê geh tơnguh. Lơh sa suơn sre tơnguh bơtàu jăt broă lơh sa mờ măy mo\k pa, mờ uă broă lơh suơn dờng geh rơlao 110 tơlăk priă tàm 1 lồ. Đơng lam pơrjum, kuang bàng đơng lam mpồl đơng lam Đảng càr Lâm Đồng sồr, mpồl đơng lam Đảng kơnhoàl Bảo Lâm tàm tơngai lơh broă tus do, pal tơrgùm tơnguh broă bơ\t bơtàu Đảng, bơ\t bơtàu gùng dră bal; tơnguh bơta pràn bè lơh sa mờ măy mo\k jòi phan, ngui măy mo\k lơh gơs phan ngui sa mờ tơnguh bơtàu broă lơh sa suơn sre mờ phan lơh broă pa; mờ lơh gơs gùng lòt, bơtơ\t rơbòng dà bal mờ broă bơ\t bơtàu [òn lơgar.

                                                                       Cau mblàng Ndong Brawl