VOV4.K’ho - Drim do (20/05), dơ\ pơrjum dơ\ 9, Gơnoar ala mat dà lơgar kơna\ 13 neh ngan ngồn geh mut lơh tàm càr lơgar Hà Nội. Do la dơ\ pơrjum mờr lồi tơngai lơh broa\ bơh Gơnoar ala mat dà lơgar kơna\ 13 mờ tờm ngan la broa\ lơh gơs adat boh lam, mut ngui sơnoa boh lam 2013. Dơ\ pơrjum dơ\ do geh ua\ tơnggu me kuơ màng ngan geh gơ rềng ngan tus dơ\ cri bơyai sra\ nggal pơrjum dơ\ 12 bơh Đảng, gùng dà broa\ lơh bơcri lơh blàng  rơndeh par dunia Long Thành, sền gròi bơta gơbàn oàn, tìs tàm broa\ ngui adat boh lam bè adat lơh glài kup jàm, yal ya\ lơh glài kup jàm. Tàm drim do, Gơnoar ala mat dà lơgar geh iat Gơnoar atbồ lơgar geh đơs jơnau yal tơnggit bơsir cồng nha bơtàu tơngguh lơh sa mpồl bơtìan nam 2014, bơta mut lơh broa\ lơh ala\ nhai bồ nam 2015. Do ngan la jơnau yal tơnggit nàng Gơnoar ala mat dà lơgar sền wơl ngan ngồn ala\ cồng nha lơh geh  kung bè ala\ broa\ gam ờ hềt niam tàm nam 2014.

                                                Cau mblàng K’ Brọp.