VOV4.K’ho - Drim òr (04/5), tàm hìu lơh broă Gơnoar atbồ lơgar, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh đơng lam dơ\ pơrjum bè ờs Gơnoar atbồ lơgar nhai 4 nam 2016. Do là pơrjum Gơnoar atbồ lơgar bè ờs sơnrờp ngan bơh tu\ Gơnoar atbồ lơgar kơnă pa geh lơh gơs. Ală kuang bàng tàm Gơnoar atbồ lơgar cri bơyai uă broă dờng bè lơh sa-mpồl bơtiàn tàm pơrjum do. Tàm porjum do, ală kuang bàng tàm Gơnoar atbồ lơgar neh iăt mờ cri bơyai bè jơnau yal lơh sa-mpồl bơtiàn nhai 4 mờ 4 nhai bồ nam 2016; broă lơh jăt kơrnoăt sồ 01 bơh Gơnoar atbồ lơgar ngai 07/1/2016 bè kơnòl, broă lơh, broă đơng lam lơh jăt rơndăp broă tơnguh bơtàu lơh sa-mpồl bơtiàn mờ rơndăp broă kes priă Dà lơgar nam 2016. Đơs tàm pơrjum, ồng Nguyễn Xuân Phúc neh sồr ală kuang bàng tàm Gơnoar atbồ lơgar pal lam lài tàm mpồl bơtiàn, geh bal kuang gơs gơnăp gơnoar atbồ hờ đang rơlao jơh dà lơgar mờ là kuang bàng tàm Gơnoar atbồ lơgar. Tềng đăp măt, ală kuang bàng tàm Gơnoar atbồ lơgar pal sền wơl ală broă [uơn gơlời, sa kuề sa koà, hoàc huơr tàm mpồl lơh broă. Hơ\ là bơta mờ Gơnoar ala măt dà lơgar neh đơs, he hơ mờ ờ hềt lơh den pal lơh gơs.

Cau cih mờ yal tơng^t Ndong Brawl