VOV4.K’ho – Drim ngai 7/7, tàm [òn dờng Kon Tum, HĐND càr Kon Tum khóa 11, tơngai lơh broă bơh nam 2016 tus nam 2021 neh mut pơrjum dơ\ 10 mờ ua\ tơngume kuơmàng, tàm hơ\ geh broă lơh kuang bàng. Tàm 2 ngai geh lơh pơrjum, HĐND càr Kon Tum tơrgùm cribơyai, sền sơ wì 46 tơngume, tàm hơ\ geh ua\ tơngume geh cau te\ khà bơh càr dê sền gròi ngan bè: broă lam lơh kơnòl broă bơtàu tơnguh lơh sa – mpồl bơtìan 6 nhai bồ nam 2020 mờ gùng dà, kơnòl broă 6 nhai lồi nam; jơnau cih mùl màl bè khà ngài mờ ù tiah lơh bơnàng jă nàng đal git kơnòm bơsram ờ gơtùi lòt tus hìu bơsram mờ rê wơl tàm hìu tàm ngai tơn; khà pria\ broă drơng ala bơto bơsram nam bơsram 2020 – 2021.

Jơnau yal bơh UBND càr Kon Tum dê bè broă lơh sa mpồl bơtìan 6 nhai bồ nam bơh UBND càr Kon Tum dê tàm pơrjum ai go\, bulah kong gơ rềng kơn jơ\ kơn jut ngan tài bơh kòp Covid-19, mơya khà bơtàu tơnguh lơh sa bơh càr dê kung gam niam. Tus jơh nhai 5 nam 2020, càr Kon Tum neh gơ hòi gơ jà geh 16 rơndap broă lơh bơcri pria\ mờ kờp jơh pria\ bơcri cih mat là rlau 4 rbô 600 tơmàn đông. Tus tu\ do, càr neh geh 24 xã geh dờp tơl khà [òn lơgar pa.

Cau mblàng K’Duẩn