VOV4.K’ho – Drim òr 07/12, Pơrjum dờng tàm pơrlòng kờ` gơboh dà lơgar gùt lơgar dơ\ IX ngan ngồn geh lơh yu\ rơyùm ngan tàm Anih tờm Pơrjum dà lơgar Ba Đình tàm càr lơgar Hà Nội. Tus bal Pơrjum dờng do geh 1800 nă cau ala mat ngan ngồn là ală cau pơnrơ jak, mờ jak ngan tàm ală broă tàm 5 nam do. Đơs mu\t pơrjum, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar mơkung là Kuang atbồ Mpồl duh broă tàm pơrlòng jờng rơ dà lơgar dê, đơs tờm: Pơrjum dờng tàm pơrlòng kờ` gơboh dà lơgar dơ\ IX là jơnau gùng dră bal kuơmàng; là ngai chờ dờng bơh jơh gùt Đảng, gùt làng bol mờ jơh gùt ling klàng he dê; là tiah bơtòm tơrgùm, pơn jờng mờ jờng rơ ală cau khin cha jak chài, cau tàm pơrlòng jak ngan, cau pơnrơ jak ngan, ală cau pơnrơ ngan, jak ngan rlau jơh tàm srơh tàm pơrlòng kờ` gơboh dà lơgar bơh gùt lơgar dê. Tàm ngai òr, Pơrjum dờng tàm pơrlòng kờ` gơboh dà lơgar dơ\ IX iat jơnau cih đơs bơh ală mpồl cau mờ cau dùl nă să is pơnrơ jak ngan bơh ală mpồl, gah sơnah lơh broă mờ mpồl cau bơh dà lơgar mờ ală càr, [òn dờng dê. Tàm dơ\ tơn jơh pơrjum, ồng Nguyễn Tấn Dũng lam lơh srơh tàm pơrlòng tàm gùt lơgar mờ tơngume “Tam klac, bơceh pa, tàm pơrlòng bơ\t bơtàu mờ sền gàr Dà lơgar”.

Cau cih mờ yal tơngi\t- Lơ Mu K’ Yến