VOV4.K’ho -  Bulah broă yal bơr mpồl tam klăc bal Mỹ mờ Israel gam niam ngan rlau mờ tu\ lơi jơh mờ digơlan pơn jăt tai bơtàu tơnguh, mơya, ồng Benjamin Netanyahu kuang gơs gơnăp gơnuar atbồ hơđăng rlau jơh dà lơgar Israel ngai òr 02/03, đơs tờm, 2 lơgar gam ờ ring bal uă ngan gùt dar ală broă lơh bơsong bơta hạt nhân lơgar Iran dê. Đơs tềng đăp Anih duh broă ală bơta bal Mỹ mờ Israel- AIPAC, là dùl mpồl hòi jà lơh broă rềp mềr mờ lơgar Israel tàm lơgar Mỹ, ồng Netanyahu đơs la, ồng Barack Obama kuang atbồ lơgar Mỹ ờ gi\t geh lơgar Israel kơlôi rcăng uă ngan tus nđờ tềng đăp jơnau hàm kờn lơh gơlik bồm hạt nhân bơh lơgar Iran dê. Jơnau ring bal hạt nhân gam geh mu\t lơh mờ lơgar Iran pơhìn bơta kis gơs bơh lơgar Israel dê. Tơ nơ\ jơnau yal bơr pa yal tơn, ồng Barack Obama kuang atbồ lơgar Mỹ pơn jăt tai đơs tờm tai jơnau đơs bè Iran bơh ồng Netanyahu dê là dùl bơta tìs.