VOV4.K’ho – Jăt Gah Cri bơyai broă mờ lơgar ndai lơgar Hàn Quốc dê yal, ală kuang bàng dờng màng bơh pe lơgar Hàn Quốc, Mỹ mờ Nhờk dê rcang tìp mat bal tàm càr lơgar Seoul, lơgar Hàn Quốc dê tàm 2 ngai 26 mờ 27 nhai 05 do nàng cribơyai bè broă lơh hạt nhân tàm bồt Triều Tiên. Tàm dơ\ tìp mat, ală gah geh cribơyai ală broă lơh krơi is tàm bơta hạt nhân tàm tơl khà tàm hơ\ geh bal broă pơhìn, lơh gơlik bơta rồn bơklơn mờ tìp mat cribơyai ngăp lơngai mờ Triều Tiên. Dar cri bơyai 6 lơgar (tàm hơ\ geh Hàn Quốc, Triều Tiên, Lo, Mỹ, Nga mờ Nhờk) bè broă lơh hạt nhân lơgar Triều Tiên dê geh sơnđờm mu\t lơh tàm Bắc Kinh lơgar Lo dê tàm nhai 8 nam 2003 lài do mơya gơtìp ơm ing ờ lơh tai kờp bơh nhai 05 nam 2008.

                                                                      Cau mblàng Lơ Mu K’ Yến