VOV4.K’ho – Jat Gah Kă bro mờ lơh sa mờ măy mok càr Dak Lak dê yal, tu\ do jơh gùt càr Dak Lak geh 37 [òn bal mờ pơgăp mờr 4 rbô hìu làng bol ờ hềt geh ồs đèng ngui. Tềng đăp jơnau kờn ngan bơh làng bol dê, nam 2011, càr Dak Lak neh lơh rơndăp broă lơh ồs đèng ai ală [òn do in mờ neh geh Kuang gơs gơnăp gơnoar atbồ hơđang rlau jơh dà lơgar ki\ ai. Mơya tơnơ\ hơ\, tài bơh gơtìp kal ke bè priă jền, rơndăp broă lơh do neh pal lời te\ ờ lơh tai. Tus tu\ geh Gơnoar atbồ lơgar hơ ai lơh wơl den priă bơcri lơh neh gơguh uă rlau bơh 89 tơmàn priă bơh sơnrờp tu\ do gơguh tus 162 tơmàn, den tàng Dak Lak pơn jat tai roh uă tu\ tơngai nàng lơh ală sră nggal gơbàn tai. Jat Kơrnoat pa ai ngui tàm nam do bơh Kuang gơs gơnăp gơnoar atbồ hơđang rlau jơh dà lơgar dê, Dak Lak geh pà pơgăp 1500 tơmàn tàm bơnah priă 30 rbô tơmàn nàng mu\t lơh ală broă bè ồs đèng bơh Broă lơh Jơnau kờn dà lơgar bơ\t bơtàu [òn lơgar pa. Dak Lak geh broă rơndăp lơh, tàm nam 2016 tus do geh ai lài 162 tơmàn priă nàng lơh jơh rơndăp broă lơh gam lơh ờ hềt jơh. Mờr 4 rbô hìu làng bol tàm 37 [òn bơh càr dê kơ\p kơnờm broă rơndăp lơh do geh lơh di tơngai pơrgon nàng làng bol in geh ồs đèng ngui tàm tơngai gờn ngan rlau jơh.

Cau cih mờ yal tơngi\t- Lơ Mu K’ Yến