VOV4.K’ho - Nam 2016, bulah neh pal kong mờ ua\ ngan kal ke, bơta long, mơya gah nhơl chờ neh sơrlèt ala\ bơta gơbàn mờ aniai ờ niam, lơh gơs broa\ lơh geh jàu. Gùt lơgar neh wa\ rlau 10 tơlak na\ nac dunia, rlau 62 tơlak na\ nac tàm lơgar, gơguh 25% pơndrờm mờ bal tu\ mờ nam 2015.

Cồng nha dờng ngan bơh gah nhơl chờ tàm nam do la nac nhơl chờ dunia, tàm lơgar mờ kờp jơh nac nhơl chờ bơh Việt Nam drờm geh tơl khà ua\ pa ngan. Tơnjơh nam 2016, nhơl chờ Việt Nam wa\ 10 tơlak na\ nac dunia, gơguh 25% pơndrờm mờ nam lài, drơng 62 tơlak na\ nac tàm lơgar, kờp jơh  pria\ geh bơh nhơl chờ geh tus 400 rbô tơmàn pria\. Khà nac dunia tus Việt Nam tàm nam 2016 kung tus 2 khà jơnhua ngan bơh lài tus tu\ do: Kờp jơh nac gal ngan rlau jơh dùl nam (10 tơlak na\ nac) mờ khà gơguh ua\ ngan tàm dùl  nam jơnhua ngan pơndrờm bal mờ nam lài (rlau 2 tơlak na\ nac). Do la tềl bơtàu tơngguh pa bơh nhơl chờ Việt Nam tàm tu\ gơ rờm bal dunia, wèt tus broa\ lơh gơ gơs la gah lơh sa tờm ngan bơh  dà lơgar.

Kờ` lơh geh cồng nha do, gah nhơl chờ neh lơh lài is, bal mờ ala\ mpồl lơh sa ka\ bro, ala\ càr, [òn dờng geh lơh bal mut lơh broa\ lơh  yal tơnggit nhơl chờ tàm ua\ lơgar tàm dunia la tờm ngan. Gah nhơl chờ dà lơgar neh ngan ngồn  yal website yal tơnggit nhơl chờ Việt Nam  lời tus cau nac dunia tềng anih sơnđan: http://vietnamtourism.vn..., dong kờl ala\ càr đah tô dà lơgar, tiah tàm gùl lơgar geh lơh niam wơl nhơl chờ tơnơ\ gơbàn bơ\ dà lềng, lơh ngan kràn mut lơh broa\ lơh tơngguh hìu nac  ơm bic tàm gùt lơgar. Bơh lòt sền, Gah nhơl chờ dà lơgar neh toh wơl khà sao tus mờ 36 hìu nac  bơh 3-5 sao ờ tơl khà. Broa\ lơh neh dờp geh bơta kờ` bal, kờ` jơnhua ngan bơh mpồl bơtìan, ala\ mpồl lơh sa ka\ bro tàm gah nhơl chờ  nàng sùm geh lơh broa\ tơl khà niam drơng, gàr niam bơnga\, mat phan sơnđan bơh  drơng broa\ nhơl chờ. Ồng Nguyễn Văn Tuấn atbồ dờng Gah nhơl chờ Việt Nam, ai git:“Bơta tus bal bơh ala\ gah, sơnah lơh broa\, geh gùng bơtàu tơngguh nhơl chờ kờ` gơ gơs la gah lơh sa tờm dờng ngan neh geh ai git la gùng  broa\ lơh kuơ màng ngan Việt Nam. Bè hơ\,  bol he pal geh broa\ lơh mờ ala\ kơna\ pal geh tus bal. Den tàng  bơta tus lơh bal bơh jơh bal ròt chính  trị mờ ala\ gah la broa\ lơh tờm ngan geh ai go\ kơrnuat tờm ngan nàng gàr niam tus nhơl chờ Việt Nam geh bơtàu tơngguh dơla\ bal”.

Nam 2016 kung la nam sền go\ ngan ala\ bơta lơh ngan bơh ala\ mpồl lơh sa ka\ bro nhơl chờ, bơtàu tơnguh jơh bè khà sồ mờ khà niam. Ua\ mpồl lơh sa ka\ bro bè FLC, Sungroup, Vingroup, Mường Thanh… neh geh ala\ gơguh ngan tàm bơcri lơh hìu nac ơm, pờ ơnàng dờng mờ  dờng broa\ lơh, sền gròi ngan khà drơng nac nhơl chờ, đơs tờm mat sơnđan, tơngguh khà niam cau lơh broa\, tơngguh broa\ geh lơh bal, di pal mo geh gùng tam gơl lơgar nhơl chờ tềng ala\ bơta ờ niam bơh gơbàn. Dùl ròt ala\ hìu nac nhơl chờ, tiah nhơl nho\ chờ hờp pa, pa ngan tơl khà dunia gam geh lơh mờ ai ngui, pơ gồp bal tơngguh bơta kuơ mờ pa ngan hìu nac, phan drơng nac bơh gah nhơl chờ. Ồng Đặng Tất Thắng, phó kuang atbồ bơcri Tập đòan FLC ai git:“Nam 2016, mờ broa\ lơh geh ua\ bơta bươn rlau tàm broa\ lơh sra\ visa kung bè broa\ lơh niam rlau bơh Chính phủ broa\ ai visa tus ala\ lơgar den geh lơh tơngguh bơta kờ` lòt nhơl chờ dunia mờ tàm lơgar. Bulah  bè hơ\,  bp\ơta gam  gơ kòl mờ yan ngan bơh bơtàu tơngguh nhơl chờ Việt Nam la broa\ hìu nac ơm mờ phan bơna  drơng nac bơh ala\ tiah. Den tàng, bol a`  geh broa\ lơh la sùm bơcri tàm rơndap broa\ lơh dờng, drờm bal, geh ua\ ngan broa\ lơh, drờm bal tơl bơta den ngan ngồn geh lơh tam gơl geh bơtàu tơngguh nhơl chờ bơh càr hơ\”.

Kờ` dong gah nhơl chờ Việt Nam bơtàu tơngguh, tàm nam do, dơ\ sơnrờp, Thủ tướng Chính phủ neh ai jơh cau tus mờ đơng lam pơrjum gùt lơgar bè bơtàu tơngguh nhơl chờ  geh lơh tàm [òn dờng Hội An, càr Quảng Nam. Lam sồr bơh Thủ tướng dê bè ala\ bơta tờm ngan  neh dùl bơnah lơi bơsong geh ala\ kal ke tus gah nhơl chờ bơtàu tơngguh tàm tơngai tus. Broa\ Chính phủ ho ai  bồ nam 2017, Việt Nam geh mut lơh ai visa điện tử cau nac dunia in tàm di 2 nam geh sền la broa\ lơh pa niam bè geh lơh niam broa\ lơh sra\ pơ àr mut lik mờ lơgar cau tus mờ cau nac dunia. Broa\ lơh do neh geh mut lơh, gah nhơl chờ kơp kờ` geh gơ hòi ngan tai dùl khà nac gal ngan bơh dunia tus Việt Nam tàm tơngai tus. Ồng Vũ Thế Bình, phó chủ tịch mpồl tam klac nhơl chờ Việt Nam kơp kờ`:“Nhơl chờ nam 2016 neh lơh geh ala\ cồng nha niam. Dùl ròt ala\ broa\ lơh nisơna niam bè nhơl chờ gam geh sền mờ tơlik ngui, bơta geh rơndap niam wơl tàm adat nhơl chờ la bơta kis gơs bơh nhơl chờ gam geh ala\ gah, sơnah lơh broa\ lơh ngan sền sơnơng, Quốc hội neh ring bal dơ\ sơnrờp. Adat geh la kơrnoat adat boh lam kuơ màng ngan  tàm gah nhơl chờ. Ala\ càr, [òn dờng neh ai broa\ lơh nhơl chờ la gah lơh sa tờm ngan mờ ua\ càr, [òn dờng kung geh ai tơlik broa\ lơh bơtàu tơngguh niam mờ bơcri lơh ala\ broa\ lơh di pal rlau. Ua\ ala\ anih tờm bơyai lơh nhơl chờ dờng neh geh tàm Việt Nam”.

Mờ ala\ lơh ngan brồ guh bơh ala\ cau bơyai lơh nhơl chờ, bơta tam gơl niam bơh ờ ua\ broa\ lơh,  gùng dà broa\ lơh bè nhơl chờ tàm bơh khà dà lơgar mờ jơh ala\ càr, [òn dờng, nhơl chờ Việt Nam geh mut tàm rài pa mờ bơta pin dờ` mờ  bơta pràn nàng pơnjat tai geh lơh niam bơh ala\ kal ke, bơta gam ờ hềt niam, geh lơh ngan lơh jat gùng dà bơtàu tơngguh kơljap mờ khà niam, kờ` ai nhơl chờ bơh sơnrờp gơ gơs la gah lơh sa tờm ngan tàm nam 2020.

                             Cau cih mờ yal tơnggit K’ Brọp