VOV4.K’ho – Nam 2017, càr Gialai lơh ngan lơh geh khà gơguh tai lơh sa rlau 7,5%, pơn jat hơ\ ală khà bè lơh sa sươn sre brê bơ nơm- phan tàm dà gơguh 5,5%, kông nghiệp- bơ\t bơtàu gơguh 8,6%, drơng broă ala gơguh 8,4%...tơnguh khà priă lơh geh kờp bal dùl nă cau geh rlau 41 tơlak dùl nă dùl nam. Nàng lơh geh jơnau kờn do, càr Gialai gam tơr gùm rơndăp tăp sèng wơl rài lơh sa gơ jat bal mờ tam gơl broă lơh gơguh tai jat gùng dà tơnguh jơnhoa bơta niam mờ cồng nha tơnguh bơta pràn tàm pơrlòng. Tàm hơ\, chul chồl uă ai tơmu\t tàm lơh sa ală broă lơh lơh sa sươn sre ngui kông nghệ cao, ngai sơlơ crơng gơs ală sươn dờng, lơh sa kă bro jat ròt khà priă, tơnguh khà priă phan bơna tàm dùl bă ù. Sền dờng màng bơtàu tơnguh kông nghiệp jat gùng dà lơh gơs phan, bơ\t bơtàu mat kă bro ală phan bơna pràn kờn tơnguh jơnhoa khà priă phan kă bro; sơlơ tam klac bal lơh sa, kă bro mờ ală càr rềp bal mờ ală càr tiah nhàr lơgar mờ Campuchia.

Cau cih  mờ yal tơngi\t- Lơ Mu K’ Yến