VOV4.K’ho – Drim òr 12/10, tàm [òn dờng Hồ Chí Minh, Gah Kă bro mờ lơh sa mờ măy mok dà lơgar bơyai lơh Pơrjum chồl pràn tăc phan mờ Mpồl tam klac bal lơh sa châu Á mờ châu Âu. Nàng priă geh bơh kă bro đah bàr gah Việt Nam mờ Mpồl tam klac bal lơh sa châu Á mờ châu Âu geh 10 tơmàn dolar Mỹ tàm nam 2020, Gah Kă bro mờ lơh sa mờ măy mok dà lơgar Việt Nam gam chồl pràn ală broă lơh mblàng yal mờ hòi jà kă bro nàng mpồl lơh sa kă bro tàm lơgar ngui jơh ală bơta kuơ bơh jơnau pơrgon do dê tàm kă bro phan mờ lơgar ndai. Mpồl tam klac bal lơh sa châu Á mờ châu Âu geh 5 lơgar tàm mpồl, là: Nga, Belarus, Kazakhstan, Kyrgystan mờ Armenia. Do là drà kă bro dờng ngan bal mờ khà kờp làng bol là rlau 183 tơlak nă cau.

Cau cih mờ yal tơngi\t- Lơ Mu K’ Yến