VOV4.K’ho- Tơnơ\ mờr 3 ngai lơh broă, Pơrjum dơ\ 11, Hội đồng Nhân dân càr Kon Tum khoá XI, tơngai lơh broă bơh nam 2016- 2021 neh jơh lơh ală broă neh ai tơlik mờ lơh nền uă khà jàu bơtàu tơnguh kuơmàng tàm nam 2021. Bè khà gơguh lơh sa nam 2021, Kơrnoat Hội đồng Nhân dân càr Kon Tum geh jơnau kờ` lơh geh bơh 10% rlau hơđang. Tă dia dà lơgar tàm ù tiah càr dê lơh geh 3 rbô 500 tơmàn đong. Tam pa geh 3 rbô lồ brê, tơnguh khà chi che geh tàm brê geh kờp bal tờm chi kau su lơh geh rlau 63,1%.

Lơh ngan tàm nam 2021, geh tai 8 xã geh tơl khà [òn lơgar pa. Khà hìu bơnhă gơmù r[ah geh bơh 3- 4%. Nàng lơh jăt geh cồng nha kơnòl broă bơtàu tơnguh lơh sa- mpồl bơtiàn nam 2021 mờ Broă rơndăp lơh bơtàu tơnguh lơh sa- mpồl bơtiàn 5 nam, tơngai bơh nam 2021- 2025, Hội đồng Nhân dân càr Kon Tum sồr ală kấp, ală gah, mặt trận mờ mpồl cau, lài jơh là cau ătbồ, cau lam bồ lơh jăt niam nùs nhơm lơh broă geh kơnòl ngan rlau jơh tơrgùm đơng lam, lam lơh geh cồng nha ală Kơrnoat.

Cau mblàng Lơ Mu K’Yến