VOV4.K’ho - Gah bơto bơtê mờ bơsram càr Daklak neh bơyai lơh tơnjơh nam bơsram 2014-2015 mờ mut lơh broa\ lơh tàm nam bơsram pa. Nam bơsram pa do,  càr Daklak geh mờr 1 rbô hìu bơsram ala\ kai bơsram mờ pơgap di 450 rbô na\ kơnòm bơsram, tàm hơ\  34% la kơnòm bơsram kòn cau. Cồng nha go\ ngan bơh gah bơto bơsram càr Daklak nam bơsram pa do la bơto bơtê mờ bơsram tờm ngan, mờ 35 na\ kơnòm bơsram geh tơl khà tàm ala\ dơ\ pơr lòng  kơnòm bơsram jak ngan khà dà lơgar, ơm tàm 10 càr lam bồ tiah đah jum tàm gùl lơgar-Tây Nguyên. Ròt hìu bơsram, ơdu\ bơsram slơ ngai slơ geh lơh niam geh làm ala\ ntum  tiah sar lơgar ngài, di pal bơta kờ` bơsram bơh kơnòm bơsram. Khà bơto bơsram tiah làng bol kòn cau slơ ngai slơ bơtàu tơngguh mờ broa\ mut lơh ala\ gùng dà broa\ lơh,  broa\ lơh krơi is bè ờ ta\ pria\ hala  tơmù bà pria\ bơsram, phàt gời sra\ ma\y mờ sra\ cih…Bè  ala\ broa\ tờm dờng tàm nam bơsram 2015-2016, ồng Phan Hồng atbồ gah bơto bơtê mờ bơsram càr Daklak, ai git: “Nam bơsram do,  gah neh dong broa\ tus mờ càr bơcri di pơgap 30 tơmàn pria\ nàng geh dong kờl sra\ ma\y, sra\ cih mờ pria\ bơsram ndai ai tus kơnòm bơsram làng bol kòn cau. Broa\ dong kờl phe ai kơnòm bơsram tiah sar lơgar ngài gam pơnjat tai geh mut lơh. Ala\ nam do, broa\ do geh mut lơh drờm geh cồng nha. Mờ broa\ lơh ờ gơtùi ờ geh la tơngguh khà bơto bơsram ai tus ala\ oh in nàng ala\ oh tơl gơtùi jai bơsram tàm ala\ kai bơsram. Ngan la kai bơsram mầm non mờ kai I den gah neh geh broa\ lơh tơngguh bơto tiếng Việt nàng ala\ oh geh bơsram  niam rlau”.

                                                Cau mblàng K’ Brọp.