VOV4.K’ho - Di lah ờ lơh nền nòn ală broă tơnguh tă tàm 1 nhai tus, do geh sền là nam dơ\ 4 pơn jăt tơn càr Dak Lak tă priă tàm kes priă dà lơgar ờ geh khà jăt mờ rơndăp broă neh ai, hơ\ là 1 tàm ală tơngu me kuơ màng tàm pơrjum sền wơl broă tơnguh bơtàu lơh sa-mpồl bơtiàn geh anih duh broă làng bol càr Dak Lak bơyai lơh ngai òr (01/12).

Mùl màl, jơh nhai 11 pa do, khà tă priă tàm kes priă dà lơgar càr Dak Lak dê mìng geh mờr 3 rơbô tơmàn priă, geh 80% khà rơndăp broă tàm nam 2015, mờ mìng geh ndrờm mờ 92% khà jăt mờ tu\ do nam lài. Càr Dak Lak neh sồr lơh jăt broă ngui ală broă tơnguh tă priă tàm kes priă, mơya khà tă dia gam gơlời dồs gam uă mờr 500 tơmàn priă. Broă hòi jà tơrgùm ală bơta pràn bơcri priă ờ geh jăt mờ rơndăp broă, lơh broă lơh jăt ală khà tơnguh bơtàu lơh sa ndrờm gơmù. Trồ tiah prang jo\ neh lơh aniai dờng màng ngan tus mờ broă lơh sa suơn sre mờ pờ tơl^k ồs đèng càr Dak Lak dê. Tàm tu\ hơ\, khà priă ală bơta phan geh lơh bơh broă lơh sa suơn sre tòm bè cao su, kơphe gơmù kung lơh khà tă priă càr Dak Lak dê ờ geh uă sơl. Ală tơngu me do neh lơh gơtìp do là nam dơ\ 4 tơn, càr Dak Lak tă tàm kes priă ờ tơl jăt mờ rơndăp broă neh ai, bu\ lah mìng ai geh khà 3 rơbô 650 tơmàn priă, ndrờm mờ khà geh ai nam lài dê.

Cau cih mờ yal tơng^t Ndong Brawl