VOV4.K’ho – Lơ Pang là xã kal ke kơnhoàl Mang Yang, càr Gia Lai dê, mờ ală khà kờp làng bol ndrờm là kòn cau Bơnhàr dê lơm. Nam pa do, trồ prang uă, hơ\ sồng mìu dờng dà tih dà cò jo\ neh lơh aniai uă ngan tus mờ broă lơh sa suơn sre xã dê. Bu\ lah bè hơ\, mờ broă sền gròi bơh ală kơnă, ală gah bal mờ broă lơh ngan bơh ală ròt chính trị, broă lơh ngan bơh làng bol dê tai, rài kis làng bol gam geh tơnguh sùm bơta niam. Mu\t nam 2017, gơnoar atbồ bal mờ làng bol tàm xã Lơ Pang lơh ngan bơ\t bơtàu rài kis hờm ram, lơh sa tơnguh bơtàu. Ồng Đinh Rư\p, Phó kuang atbồ UBND xã Lơ Pang đơs: “Nam 2016 pa do den xã kung gơbàn uă ngan hoàc huơr tài trồ prang lơh aniai, mơya gơnoar atbồ bal mờ làng bol, bol a` ndrờm lơh ngan jơh nùs, jơh pràn kờ` tơnguh bơtàu lơh sa. Mu\t nam 2017, Đảng uỷ, gơnoar atbồ xã Lơ Pang ai tơl^k Nghị quyết pơn jăt tai lơh ngan tàm broă tơnguh bơtàu lơh sa. Bol a` geh sền kuơ broă tam gơl phan tam, bè lam sồr, dong kờl làng bol tam kơphe, tam tiêu kờ` ơla mờ tòm bời lời, bùm blàng kờ` rài kis geh tơnguh uă rơlao”.

Cau cih mờ yal tơng^t Ndong Brawl