VOV4.K’ho- Nam pa Tân sửu 2021, ua\ hìu bơnhă  cau ling geh gria\t, hìu bơnhă chính sách, hìu bơnhă geh rài kis kal ke tàm ù tiah càr Dak Nông dê ram mhu\ rlau tai tu\ geh ơm tàm hìu bềng bơta nđàc bơh kuang bàng, cau ling phàu crong càr dê pà.

 Nam pa nam do, bơta chờ hờp geh ua\ 2 dơ\ gơ wèt mờ hìu bơnhă bơh  Đại úy Nguyễn Văn Thăng, ơm tàm sơnah [òn Nghĩa Đức, [òn dờng Gia Nghĩa, càr Dak Nông dê gam lơh broă Gah đơng lam ling klàng [òn dờng Gia Nghĩa, tu\ geh ơm tàm “hìu cau lòt ling bal” bơh Gah đơng đơng lam ling klàng càr pà. Muh mat, săp `o\ bơh ală cau tàm hìu bơnhă ndrờm mpờl go\ bơta chờ hờp, chờ hờ` ngan.

Hìu bơnhă Đại úy Nguyễn Văn Thăng gơ wèt hìu bơnhă r[ah. Pơ ùr ờ geh broă lơh kơ\ kơl jap, kon gam dềt mờ kòp ờ ngăc ngar bồ tơngoh, rơgai. Pria\ nhai bơh Đại úy Thăng dê rcang jơh tàm phan ngui sa pah ngai hìu bơnhă dê, mơ kung ngui nàng sơm kòp kòn in sơl den kung ờ tơl nàng lơh hìu is, pal ơ pah hìu ơm. Đại úy Nguyễn Văn Thăng đơs: “geh Gah đơng lam ling klàng càr tă bơh Kes pria\ “Bơta nđàc cau ling bal” dong kờl 80 tơlak đong, oh mi tàm mpồl ling tă pơgồp bal ngai lơh broă dong bơt bơtàu hìu ơm, a` ngoh rơngăc ngan mờ ưn ngài ngan. Bơta sền gròi, dong kờl là bơta gơn kơ nờm nàng a` in iang nùs lơh broă, lơh sir niam ngan kơ nòl broă geh jàu.

Jàu pà “Hìu cau lòt ling bal”

Ndrờm bè hơ\ sơl, Thượng úy Đào Đình Hạ, ơm tàm xã Dak Lao, kơnhòal Dak Mil tu\ do gam lơh broă tàm gah đơng lam ling klàng kơnhòal Dak Mil kung geh bơta chờ hờp bal sơl tu\ geh dong kờl lơh “hìu cau lòt ling bal”. Rài kis bơh bi dê kal ke ua\ ngan tu\ pơ ùr ờ hềt geh broă lơh, kòn ùr dơ\ 2 gơtìp nhòp poăc chung ntìng gòr ngkời bơh tàm tu\ deh ờ gơtùi lòt. Tơl phan bơna tàm hìu bơnhă ndrờm lời nàng sơm kòp ai kòn in lơm den g^t nđờ nam do jơh hìu bơnhă bi Hạ kung gam ơm tàm hìu ơm ing lơh mờ mpàn, ngai sơlơ sèt.

G^t loh mờ tam pà bal bơta kal ke bơh Thượng úy Hạ dê, Gah đơng lam ling klàng càr Dak Nông neh dong kờl 80 tơlak đong ai hìu bơnhă in lơh hìu kơ\ kơl jap nàng ơm. Thượng úy Đào Đình Hạ chờ hờp đơs: Hìu pa geh cơl du\ wă năc, cơl du\ b^c niam ngan. Ưn ngài bơta dong kơl bơh Gah đơng lam ling klàng càr dê neh dong a` lơh geh jơnau kơ\p kờ` bơh g^t nđờ nam do.

Ờ mìng gơ wèt mờ ală cau ling geh gria\t lơm, ua\ hìu bơnhă chính sách, hìu bơnhă geh rài kis kal ke tàm ù tiah càr dê kung geh wă rò nam pa tàm ală “hìu tam klăc dờng”, “Hìu nùs nhơm” bơh Gah đơng lam ling klàng càr Dak Nông dong kờl, lơh pà.

Geh dong kờl 80 tơlak đong nàng bơt bơtàu hìu ơm, cau ling yau Thái Thị Đàm, ơm tàm xã Dak Ngo, kơnhòal Tuy Đức ngoh rơngăc đơs: “Hìu bơnhă gơ wèt tàm mpồl kal ke ua\ nam, tu\ do geh Gah đơng lam ling klàng càr ai tơl bơta, dong kờl 80 tơlak đong mờ cau ling bal, cau rềp mềr bal, làng bol gùt dar dong kờl, den a` lơh geh hìu ơm pa. Gơ wèt mờ a`, Sa tềp bơhìan dà lơgar Tân Sửu mờr tus do ngan ngồn geh ua\ bơta chờ hờp tài bơh dơ\ sơn rờp geh ơm tàm hìu pa, niam ngan.

Ndrờm bè hơ\ sơl, hìu bơnhă bi Trần Văn Lợi, cau ling geh gria\t neh jơh tơngai lòt ling ơm tàm xã Quảng Tâm, kơnhòal Tuy Đức kung geh ua\ 2 dơ\ bơta chờ hờp tu\ geh ơm tàm hìu ơm nùs nhơm bơh Gah đơng lam ling klàng càr Dak Nông pà. Bi Lợi pà g^t: 2, 3  nam do, ùr bơklau tềm pềr pria\ jền nàng lơh niam wơl hìu ơm mơ ya ờ hềt tơl. Nam 2020, geh Gah đơng lam ling klàng càr dong kờl 50 tơlak đong nàng lơh wơl hìu ơm, ùr bơklau a` chờ hờp ngan.

Đòm jat nùs nhơm “tàm dong tam kờl bal, nha ngan glòm nha sèt”, Gah đơng lam ling klàng càr Dak Nông neh sền gròi đơng lam, sồr lơh niam broă lơh mblàng yal, hòi jà kuang bàng, cau ling, công nhân viên Mpồl ling phàu crong tàm càr dong kờl tă pơgồp phan bơna, ngai lơh broă mờ sơm bat tê bal lơh ală hìu ơm ram mhu\ nùs nhơm ai cau ling geh gria\, hìu bơnhă chính sách, hìu bơnhă r[ah in kal ke bè hìu ơm.

Nam 2020, bơh broă hòi jà tă pơgồp bal bơh kuang bàng, cau ling, ală cau geh nùs nhơm niam, Gah đơng lam ling klàng càr Dak Nông neh dong kờl lơh mờ jàu geh 17 nơm hìu nùs nhơm mờ kờp pria\ rlau 1 tơmàn 100 tơlak đong ai ală hìu bơnhă chính sách, hìu bơnhă geh màng mờ dà lơgar, cau ling geh gria\t geh rài kis kal ke. Bơdìh mờ  dong kờl mờ pria\, kuang bàng, cau ling geh dong kờl tai phan ngui tàm rài kis pah ngai mờ dong ngai lơh broă. 

Đại tá Trương Xuân Lai, Chính ủy Gah đơng lam ling klàng càr Dak Nông đơs nền: “Tơl hìu ơm geh lơh pa là bơta lơh ngan, pơnđơl pràn bơh kuang bàng, cau ling Mpồl ling phàu crong càr dê. Ờ mìng cèng wơl bơta chờ hờp, bơta kơ\p gơn mờ gam ai tai bơta pràn ai ală hìu bơnhă in brồ guh tàm rài kis mờ gam bơ to bơtê kuang bàng, cau ling in bè nùs nhơm “hùc dà kah tô dà”, “tàm dong tam kờl bal”. Tơngai tus, Gah đơng lam ling klàng càr Dak Nông pơn jat tai hòi jà tă pơgồp ală pria\ jền mờ bơta tă pơgồp bal bơh kuang bàng, cau ling nàng geh ua\ rlau tai ală hìu ơm ram mhu\ nùs nhơm cau ling bal dê, nùs nhơm ling klàng làng bol dê.

Quốc Học jat ba\o Dak Nông- Cau mblàng K’ Hạnh