VOV4.K’ho-Ală ngai do, tàm tu\ jơh gùt jơi bơtiàn chờ nam pa sa tềp, den ală cau ling Sền gàr tiah nhàr lơgar kung gam ngai mang sùm drơng gàr nàng sền gàr kơ\ kơl jăp gơnoar tờm ù tiah lơngăp lơngai tiah nhàr lơgar dà lơgar dê. Tàm gơl gùng nhàr lơgar càr Dak Lak, rềp nhàr bal mờ lơgar Campuchia, mpồl ling sền gàr tiah nhàr lơgar lơh niam kơnòl broă sền gàr gơnoar tờm ù tiah nhàr lơgar dà lơgar dê mơkung chờ hờp wa\ rò sơnam pa sa tềp bềng nùs nhơm gi\t gơ\p lơh bơyô bal!

Kàl prang tàm gơl gùng nhàr lơgar càr Dak Lak dê, ală àng tơngai gơ crà àng tàm ală bă brê kròng gơ jrùh jơh nha mìng gam tờm lơm tàm trồ tiah mrềt dùl êt. Ală cau ling sền gàr tiah nhàr lơgar kung gam ai mpồl ling lòt sền jat gùng nhàr lơgar, tus tàm tơl jrong nhàr lơgar dờng màng bơh Dà lơgar dê, rềp nhàr bal mờ lơgar Campuchia. Đại úy Nguyễn Tuấn Anh tàm Pôs đồng ling sền gàr nhàr lơgar Yok Đôn pà gi\t: 18 nam do, bi lơh broă tàm tiah nhàr lơgar Tây Nguyên. Bồ sơnam pa nam do, gi\t sơl pơ ùr mờ kòn dềt tàm [òn tờm Thái Nguyên kah ngan, mơya bi kung gam pal dan ơm wơl nàng drơng sa tềp, tơnơ\ hơ\ sồng dan gơnoar rê còp hìu bơnhă. Mờ kơnòl broă tờm là mblàng dà Campuchia, den tàng tàm dơ\ sa tềp do, bi là cau lơh kòn gùng ai ală dơ\ lòt còp, nting săp sa tềp kung bè lòt sền 2 gah mờ pôs đồng ling sền gàr nhàr lơgar bơh lơgar gơ\p bơyô dê.“A` neh mờng quèng mờ rài kis cau ling dê. Kah den kung pal lơh jơh niam kơnòl broă. Tàm mpồl ling den kung klơm mbar sơl mờ lòt sền; ngan là ală dơ\ lòt sền 2 gah đah bàr mpồl ling. Mpồl đơng lam pôs đồng ling den kung jà pôs đồng ling lơgar gơ\p bơyô ơm song bal tus tìp mat lơh quèng sa tềp bơhiàn yau lơgar Việt Nam dê”.

Lòt sền mờ sền gàr jrong nhàr lơgar

Bal mờ kơnòl broă lòt sền, sền gàr gơnoar tờm, lơngăp lơngai nhàr lơgar dà lơgar dê, rài kis chờ hờp wa\ rò sơnam pa sa tềp tàm ală pôs đồng ling sền gàr tiah nhàr lơgar bơh càr Dak Lak dê kung gam geh lơh duh hồl sơl, ram nùs cau lòt ling, cau oh mi bal. Đại úy Phạm Quang Hiển- Pho\ Chính trị viên Pôs đồng ling sền gàr nhàr lơgar Yok Đôn, pà gi\t: bal mờ bơta dong kờl bơh mpồl ling dê, nam do, pôs đồng lơh sa geh cồng nha, mờ rlau 60 nơm kơnrồ, 40 nơm sur, bàr pe rơhiang nơm iar ada mờ bềng tơl ală bơta biăp sa, den tàng rài kis phan bơna cau ling dê tu\ lơi kung geh tơl niam lơm:“Pôs đồng drơng broă rơcang tam lơh sùm mờ sơlơ lơh uă tai tàm dơ\ sa tềp. Pôs đồng kung gam bơyai lơh wa\ rò sơnam pa sa tềp Đinh Dậu sơl. Bơdìh mờ bơta dong kờl bơh mpồl ling dê, den pôs đồng kung tă dùl bơnah priă jền ai cau ling in sa tai. Pôs đồng kung geh lơh sa sơl, den tàng tàm dơ\ sa tềp do den gơ sơ\t kơnrồ, buh sur, iar ai oh mi in sa, mờ bơyai lơh ală dơ\ pơrlòng klơm mbar mờ ală jơnau nhơl ờs mờng bơh yau bơh jơi bơtiàn dê ai cau ling in tàm dơ\ sa tềp”.

Lòt sền gàr tiah nhàr lơgar

Nam pa, nùs nhơm gi\t gơ\p lơh bơyô bal đah mpồl ling sền gàr nhàr lơgar đah Việt Nam mờ Campuchia gơl lòt gan càr Dak Lak mờ Mondulkiri sơlơ niam rlau tai, tu\ jơh bal bàr gah pờ àng bal dùl gùng che đèng. Lồi nam pa do, Ủy ban Nhân dân càr Dak Lak bơcri mờr 5 tơmàn priă nàng lơh gùng che đèng ai 3 mpồl Kảnh sát sền gàr nhàr lơgar càr Mondulkiri, lơgar Campuchia in. Kuang bàng, cau ling tàm ală pôs đồng ling sền gàr nhàr lơgar càr Dak Lak jơh nùs tus bal dong kờl ngai lơh broă, bal mờ Kông ti ồs đèng mhar lơh, di tu\ lơh ồs đèng ngui tàm rài kis lài mờ dơ\ sa tềp bơhiàn Đinh Dậu pa do. Thiếu úy Sô- Mâu, Phó Pôs đồng ling sền gàr nhàr lơgar Cobalđomrây, lơgar Campuchia dê pà gi\t: Bơh tu\ crơng gơs pôs đồng ling tus tu\ do, jơh ală rài kis mờ broă lơh là kal ke ngan. Pôs đồng ling sền gàr nhàr lơgar Bo-heng, Mpồl ling sền gàr nhàr lơgar càr Dak Lak neh dong kờl k[àng, cơ ghê, chi tam, phan ròng, phan ngui tàm rài kis mờ phan ngui yal tơngi\t jơnau. Mờ tơnơ\ tu\ geh ồs đèng tơn, Pôs đồng ling sền gàr nhàr lơgar Bo-heng neh lòt còp mờ pà rơdio, ti vi: “Bol a` ưn ngài ngan mpồl ling sền gàr nhàr lơgar càr Dak Lak neh dong pôs đồng ling Cobalđomrây in lơh gùng che đèng, lơh geh tơl ală bơta niam dong kờl uă ngan ai bol a` in tàm rài kis kung bè broă lơh, pơn yơu bè [ồm dà, sền ti vi, sạc điện thoại yal tơngi\t jơnau mờ ală măy mok ngui tàm broă lơh nàng lơh broă atbồ sền gàr nhàr lơgar”.

Tàm ală ngai sa tềp bơhiàn bơh jơi bơtiàn Việt Nam dê, kuang bàng, cau ling pôs đồng ling sền gàr nhàr lơgar Cobalđomrây, lơgar Campuchia was tai plung gan dà croh Dak Dam, lòt còp, nting săp sa tềp, tìp mat lơh quèng đơs crih tam ya mờ bal mờ pôs đồng ling sền gàr nhàr lơgar Bo-heng di Mpồl ling sền gàr nhàr lơgar càr Daklak dê lòt sền, sền gàr tiah nhàr lơgar. Trung tá Nguyễn Xuân Chiến- Kuang atbồ Pôs đồng ling sền gàr nhàr lơgar Bo-heng, càr Dak Lak, pà gi\t: “Bol a` lơh niam broă rơndăp lơh lơh broă sùm 70% khà kờp ling klàng. Mờ bol a` kung lơh niam broă chính trị nùs nhơm bồ tơngoh ai cau ling in. Bal mờ hơ\, bol a` bơyai lơh ală broă lơh nhơl chờ hờp đơs crih tam ya ai kuang bàng, cau ling mờ ală oh mi ơm wơl lơh broă in. Kuơmàng là tàm ngai sa tềp bơhiàn bơh jơi bơtiàn Việt Nam dê den bol a` jà Pôs đồng ling sền gàr nhàr lơgar Cobalđomrây ơm song bal tus sa tềp chờ bal mờ pôs đồng ling bol he dê; bơyai lơh ală broă lơh tìp mat lơh quèng đơs crih tam ya, yal wơl bơhiàn khin cha jak chài bơh bàr jơi bơtiàn dê”.

Dùl nam pa gơ rê tus tai, jat gùng nhàr lơgar đah Việt Nam mờ Campuchia, gơl lòt gan càr Daklak gam geh uă broă lơh chài rơgơi, đơs crih tam ya, tàp pràn să jan duh hồl ngan. Lòt còp mờ nting săp sa tềp bơhiàn Việt Nam dê, mpồl ling sền gàr nhàr lơgar Campuchia bal mờ mpồl ling sền gàr nhàr lơgar càr Daklak dê bơyai lơh tai ală mpồl ling lòt sền 2 gah, bal mờ gơ\p sền gàr nhàr lơgar ring lơngai, gi\t gơ\p lơh bơyô bal!

Cau cih mờ yal tơng^t- Lơ Mu K’ Yến