VOV4.K’ho – Lòt ling ngai 5/6/1947, tu\ pa tàu 21 nam tàm mpồl ling Ama Trang Lơng, trung đoàn 84, ồng Nay Sok, [òn P’lân, ntum Dak Mol, kơnhoàl Dak Song, càr Daknông, lài do là kuang jat jơng atbồ ling klàng càr Quảng Đức, tu\ do là càr Daknông, neh lơh geh uă cồng nha jak chài ngan tàm jơh ală dơ\ tam lơh. Bulah sơnam neh dờng, să jan ờ gam pràn tai, mơya ală jơnau kah wơl bơh ală ngai tam lơh dê den ờ go\ hi\u dùl e\t lơi. Di dơ\ tơngkah 41 nam ngai tơngklàs gùt tiah đah jum tơr gùm dùl dà lơgar, Ngai dunia lơh broă 1/5, cau ai tơngi\t jơnau đơs bơh Anih jơnau đơs Việt Nam tàm Tây Nguyên dê geh dơ\ boh bơr mờ ồng Nay Sok, lài do là Kuang jat jơng atbồ ling klàng càr Quảng Đức bè ală kir sơnrai tàm rài tam lơh kung bè ală sền go\ bè bơta tam gơl bơh [òn lơgar dà lơgar dê.

          Niam să ồng Nay Sok. Ơ ồng, kơno yal tàm rài tam lơh mờ bol sò tơm Mỹ, ồng neh uă dơ\ lòt tam lơh bal tàm ală dơ\ tam lơh dờng, bè hơ\ ồng gơtùi yal mờ cau iat rơdio bơh Anih jơnau đơs Việt Nam dê in bè dùl tàm ală dơ\ tam lơh mờ ồng kah ngan rlau jơh?

            Ồng Nay Sok: Tu\ hơ\ tàm [òn Bu. Lài mờ tu\ tam lơh mờ bol sò tơm den geh gah đơng lam ling klàng, ồng Nhân là cau atbồ, ai a` là cau jat jơng atbồ, mpồl ling bol a` dê den dùl e\t ngan cau, bol sò tơm den ơm tàm pôs đồng, den tàng a` bơyai mờ gah đơng lam ling klàng tam lơh mờ phàu, tu\ ngui phàu den bol sò tơm sền go\ he mơya bol sò tơm ơm tàm bơtô ù, he to [ồm là khai chơ\t jơh. Tu\ pơlam tàp den cuh phàu là pal nggui cuh, tài geh bơta kơldìng mờ kờn sền gàr màng kis, mơya tàm tu\ tam lơh den kung lơh bè hơ\ sơl den là ờ niam, den tàng a` lơh nền guh ntàu mờ cuh phàu, dùl là chơ\t, bàr là kis, gi\t là ngòt rơ ngơ\t sơbơng roh ngan mơya kung pal lơh sơl, bol sò tơm dô rê jơh tàm pôs đồng. A` gơtìp sồt să tềng bơnô. Oh mi tùng a` rê. Bol sò tơm jơh chơ\t he ai geh 12 ngkơr phàu. He den lơngăp lơngai ờdo ờdă”.

            Tu\ lơh nền ờ lơh jat jơnau neh bơsram tàm tu\ bơto pơlam nàng lơh jat broă tam lơh bềng bơta ngòt rơngơ\t sơbơng roh hơ\, den ồng kơlôi sơl tus bơta ngòt rơ ngơ\t mờ să tờm ồng digơlan pal gơtìp, ơ ồng?

            Ồng Nay Sok: A` mìng kơlôi là lơh bè lơi nàng tam lơh mhar, mhar pha lin, mhar jai pha là bơta chờ hờp, oh mi bol a` ờ geh cau gơtìp sồt să. Ai geh phàu bơh bol sò tơm dê. Jơnau hơ\ là bơta chờ hờp dờng ngan rlau jơh.

            Ơ, kơno yal, tơnơ\ uă dơ\ gơtìp sồt să, ồng geh mpồl ling ai rê lơh broă tàm mpồl dong broă nàng lơh broă bơto pơlam, mơya ồng ờ bài dờn. Lơh bè lơi mờ ồng dan mờ mpồl ling ai ồng in geh lòt tam lơh wơl, ơ ồng?

            Ồng Nay Sok: A` sền go\ tàm hìu bơsram ờ go\ geh bơta lơi jak chài ờ. Lơh kuang bàng pal lơh ngan ngồn, pal lòt tam lơh, a` dan mờ kơnă hơđang pal ai a` in lòt tam lơh dilah ờ là a` dô rê tàm hìu. Den tàng khi pal ai a` in lòt tam lơh wơl.

            Ơi, gơtùi sền go\ là, bulah gơtìp sồt să, bulah sùm pal tam lơh mờ bol sò tơm, mơya ồng kung bè gi\t nđờ nă cau ling kăc màng Việt Nam sơl, ồng kung gam ờ dơr cul nùs, kung gam kờn lòt tam lơh sơl bal mờ dùl jơnau kơ\p kờn lơm gời là tơngklàs [òn lơgar. Mờ bơta kơ\p kờn ngan hơ\ neh gơ gơs ngan ngồn tu\ tàm ngai 30/4 bol he tơngklàs jơh gùt tiah đah jum, tơr gùm dùl dà lơgar. Nùs nhơm bơh ồng dê gơlơh bè lơi tu\ kơno yal tam lơh pha lin bơh ling he dê, ơ ồng?

            Ồng Nay Sok: Tơnơ\ ngai tơngklàs, a` chờ hờp tài bơh he gơlơh bè chơ\t gơtus kis wơl, 8, 9 nam tam lơh mờ bol sò tơm Tây, 12 nam tam lơh mờ Mỹ. Gi\t nđờ dơ\ tam lơh dờng ngan, bòl glar ngan den lồi du\t kung neh geh tơngklàs sơl.

            Ơi, kơno yal jơnau tam lơh pha lin dờng neh cèng wơl bơta chờ hờp gi\t lơh ai jơh gùt dà lơgar in, hơ\ là ngai bơtòm tơrgùm mat bal: Ù tiah dà lơgar gơ rê bal dùl anih, Đah tô- Đah jum tơr gùm bal dùl anih. Mơya, tơnơ\ dơ\ tam lơh pha lin, Daknông kung bè jơh gùt lơgar sơl pal kơlôi rơcang uă ngan broă, bè sang phàu crong, tam lơh mờ bol Fulro mờ bơ\t bơtàu phan bơna, kơ\ kơl jăp rài kis làng bol dê. Kơno yal, ồng ờ mìng jak tàm tiah tam lơh lơm gời mờ ồng gam jak ngan tai tàm broă lam sồr làng bol lòt jàu phàu crong phan tam lơh, ồng gơtùi yal tai bè broă lơh do, ơ ồng?

            Ồng Nay Sok: Tu\ hơ\ tàm [òn Dhă Prong bơtòm tơrgùm lam sồr làng bol. Nàng jat jơnau sồr ai wơl phàu crong phan tam lơh bơh ling nguỵ neh tam lơh ờ jai dê. Khi neh pồn phàu tàm hìu làng bol. Bơtòm tơr gùm làng bol tàm pah poh 7 jiơ drim là bơtòm tơr gùm mơya ờ go\ sền go\ ờ. A` lơh broă tàm 1 jiơ lơm là gơtùi. Tu\ hơ\ a` tìp mờ dùl hìu bơnhă r[ah bòl glar kal ke ngan. A` ai hìu bơnhă in priă jền bơh tiah đah tô dê, tu\ hơ\ ờ hềt geh ai ngui tàm tiah đah jum dà lơgar. Tơnơ\ hơ\ a` lùp mờ cau hơ\ yal, phàu tàm [òn do uă ngan. Phàu dềt, phàu dờng, điện thoại…A` đơs “Sau lam wa lòt tus tềng anih mờ khi pồn phàu”. Tus tềng anih dà mbòr den sền go\ uă ngan phàu mờ a` neh cèng rê. Tơnơ\ hơ\ pơn jat tai lam sồr làng bol mờ làng bol neh dong kờl. A` kah là neh ai geh 150 ngkơr phàu mờ 3 nơm đài Fm PC bơh Mỹ dê.

            Tam lơh neh lòt ngài, dà lơgar he gam ngai sơlơ bơtàu tơnguh, sền go\ bơta tam gơl bơh [òn lơgar, dà lơgar dê, nùs nhơm ồng dê gơlơh bè lơi ơ ồng?

            Ồng Nay Sok: A` sơnơng, a` kung ờ gơtùi kơlôi gơlik sơl. Lài do tu\ a` gam bơsram tàm hìu bơsram bơh Tây dê, trònh sơpền, sa kùa mờ tê, hùc dà tàm nhồng pòr, mơya, rài kis tu\ do neh gơ tam gơl, phan bơna tơl mờ tam gơl pa. Jơh ală bơta tàm hìu ndrờm geh bơta tam gơl pa lơm. A` gơlơh chờ hờp ngan tài bơh ală bơta hơ\. Lài do, cau M’nông ơm tàm hìu bơyai tơr`a [òn. Dùl hìu geh bơh 4, 5 hìu bơnhă ơm bal. Mơya, tu\ do, den ndrờm lơh hìu sơmang lơm. Tàm [òn geh 160 hìu, den 80 hìu neh lơh hìu sơmang. Geh cau 40- 50 sơnam neh lơh hìu jơh tus tơmàn priă, lòt tiah lơi den sùm geh rơndeh nàng lòt. A` kơ\p kờn tus ngai tơnơ\ do, dilah bè cau kra ờ gam kis tai, den cau kơnòm pal sơlơ lơh ngan lơh niam rlau tai jơnau Bác Hồ dê neh bơto sồr, kuơmàng là oh kòn làng bol kòn cau dê, dipal mờ bơta sền gròi, dong kờl bơh Đảng dê. Kờn lơh geh ală jơnau hơ\, den pal tam klac bal, pal bal mờ gơ\p lơh broă lơh sa, den là geh lơh gơtùi.

            Ưn ngài ồng uă ngan, kơ\p kờn ồng să jan sùm pràn kơldang, mờ sùm sùm là tờm chi dờng bơh [òn lơgar dê.

          Cau cih mờ yal tơngi\t- Lơ Mu K’ Yến