VOV4.K’ho – Khà kờp bơh pang bau\ Điện tín ( Telegraph) lơgar Anh pà git, dơ\ tơrluh ù pràn 7,4 đồ richter gơlik geh ngai òr 12-5, tàm lơgar Nepal neh lơh rlau 42 nă cau chơt tàm lơgar Nepal, Ấn Độ mờ Tây Tạng lơgar Lo. Jat jơnau yal tơngit, khà cau chơt mìng is tàm lơgar Nepal là rlau 36 nă mờ rlau 1.100 nă cau ndai gơtìp sồt să. Dơ\ tơrluh ù gơlik geh tàm tu\ Nepal gam pal kong mờ dơ\ tung lơtang kơnjơ\ ngan mờ pal lơh ngan bơt bơtàu wơl dà lơgar tơnơ\ dơ\ tơrluh ù pràn 7,9 đồ richter tàm ngai 25-4 pa do. Đơs tàm dơ\ pơrjum gơnoar atbồ lơgar jal mhar mho òr, tơnơ\ mờ tu\ Nepal pơnjat tai gơtìp tơrluh ù pràn ngan lơh aniai, ồng Sushil Koirala kuang gơs gơnap gơnoar atbồ hơđang rlau jơh lơgar Nepal hòi jà làng bol lơgar do ba` nrơt dơl mờ tam klac bal nàng sơrlèt gan tơngai kal ke. Ồng Sushil Koirala kung hòi jà làng bol dong kờl ală broă lơh jòi, dong kờl ală cau gơtìp aniai bơh 2 dơ\ tơrluh ù. Gơnoar atbồ lơgar Nepal neh lam sồr tơl bơta pràn tus càr lơgar Kathmandu mờ ală tiah gơtìp aniai uă ngan rlau jơh bơh dơ\ tơrluh ù lơh aniai nàng dong kờl làng bol.

                                                                                                                                              Cau mblàng K’ Duẩn.