VOV4.K’ho – Jat anih tờm sơndră jal mhar dà lơgar Nepal yal ngai òr 1/5, khà cau chơt jê tàm dơ\ tơrluh ù tàm ngai 25/4 pa do tàm lơgar do neh gơguh tus 6.204 nă cau chơt mờ 13.932 nă cau gơtìp sồt să. Broă dong kờl rềs àr, jòi ală cau gam kis mờ dong ală cau gơtìp roh hìu đam tàm dơ\ tơrluh ù kung gam geh mut lơh, tàm tu\ tơrlah ù kung gam pơnjat tai gơlik geh. Ồng Lowson, dùl nă cau lơh broă bơh mpồl dong kờl sơnơm tơmba phan bơna lơgar do pà git: “ Tu\ do, lơgar Nepal gam pal kong mờ jơnau pơhìn gơbàn kòp pluh, tài tiah ơm kis tàm do gam gơtìp [ơ\ ngan mờ làng bol ờ geh dà sàng kloh nàng ngui. Bulah gơnoar atbồ lơgar neh ai sơnơm tơmba làng bol in, mơya uă cau ờ git ngui di sơnơm tơmba nàng kơryan kòp bơtờp.”

                                                                                                                                      Cau mblàng K' Duẩn.