VOV4.K’ho – Rlau 1.500 nă kuang ala mat tus 4 tơlak 500 rbô nă ca geh Đảng rê tus pơrjum kuang bàng gùt lơgar dơ\ 12 bơh Đảng dê mờ dùl bơta pin dờn kơljap ngan tàm bơta rơ wah cau lơh broă geh mut tàm Mpồl đơng lam atbồ Đảng dà lơgar dơ\ 12. Jat uă ngan kuang ala mat, hơ\ pal là cau chài ngan, geh tơl jak, tơl chài mờ geh sơnơng tam gơl pa nàng ai dơ\ tam gơl pa dà lơgar geh bơtàu tơnguh kơljap tàm tơngai tus:

Ală khà tơl kuang geh jơng tàm mpồl đơng lam Đảng dà lơgar, Gah gùng dră bal dà lơgar, mpồl atbồ đơng lam Đảng kơnă 12 neh geh đơs tus dùl bă tơl làm bơh pơrjum dà lơgar dơ\ 11. Hơ\ là ală kuang bàng geh nùs nhơm mờ rài kis sàng goh, geh bồ tơngoh jak, geh nùs nhơm bơceh rơndap broă nàng tus bal ai tơlik gùng dà, broă lơh; bal mờ hơ\ kơrnuat dà lơgar dơ\ 11 kung đơs loh: Krà` cê ờ ai tơmut tàm Mpồl đơng lam Đảng dà lơgar ală cau geh dùl tàm ală bơta ờ niam bè nùs nhơm gùng dră bal ờ kơ\, hàm kờ` at gơnoar broă, pơn dờm, lam sồr is să tờm, nùs nhơm tam cah mpồl, bơta kuơ mpồl, kơldang bồ, lơh broă ờ huan geh cồng nha, đơs ờ gơ jat bal mờ lơh… Ồng Phan Văn Sử, kuang bàng gơnoar ala mat dà lơgar càr Tây Ninh đơs là, bal mờ ală khà tơl hơ\ den broă đùh sră pồ kuang bàng kơnă 12 kung pal sền sơ wì jơh broă lơh, kơnờm tàm bơta sền tìs di bơh anih lơh broă, mpồl lơh broă, mơkung pal kơnờm tàm jơnau kờ` bơtàu tơnguh tàm tơngai tus: “ Dà lơgar neh ai tơlik bơh pơrjum dơ\ 11 tơl làm ngan, tàm hơ\ sồr pal geh nùs nhơm, geh bơta jak chài, sàng goh, nùs nhơm gùng dră bal kơ\ kơljap, geh bơta git wă, geh pràn jak, ờ geh tơnggo\ hàm kờ` at gơnoar broă, ờ jat bơta kuơ mpồl. Ală bơta hơ\ bol he neh ai tơlik nàng kuang bàng in pồ mờ sră đùh he dê, kờ` pồ geh mpồl đơng lam Đảng dà lơgar geh nùs nhơm, geh bơngă, geh kơnòl nàng đơng lam bồ dà lơgar.”

Ồng Bùi Văn Hải, kuang ala mat mpồl càr Bắc Giang kơp kờ`, broă lơh kuang bàng bơh Đảng dê tàm tơngai lơh broă tus geh pơnjat tai tam gơl jat rơndap broă pồ cau kơnòm să, nàng ală cau kơnòm să geh tus bal tă pơgồp bồ tơngoh jak, nùs nhơm tam gơl pa tàm broă lơh bơt bơtàu dà lơgar: “ Broă sac rơ wah geh mpồl kuang bàng, mơ là kuang bàng kơnòm să, khi là ală cau geh bơta pràn bơtàu tơnguh niam ngan. Nàng sac rơ wah gehmpồl kuang bàng kơnòm să geh pràn jak den pal gơ wèt tàm rơndap broă mờ nùs nhơm bơh mpồl kuang bàng tu\ do dê bè lơi. Tài tu\ do khi ờ hềt ràng tơlik, mơya tơnơ\ do den khi gơtùi lơh. Den tu\ do pal geh nùs nhơm bè lơi nàng sac rơ wah kuang bàng kơnòm să gơ in niam. A` sùm pin dờn, tu\ lơi kuang bàng kơnòm să kung gơtùi lơh ală broă mờ tu\ tơngai kơp kờ`”.

Mò Nguyễn Thị Thanh, kuang atbồ mpồl đơng lam Đảng càr Ninh Bình đơs là, ală kuang đơng lam bồ tờm ngan bè ală kuang geh jơng tàm mpồl Đảng dà lơgar kơnă pa, geh bơta pơn ìơ să dờng ngan, mơya kơnòl kung kơn jơ\ ngan nàng gơtùi drơng jơnau kờ` tam gơl pa, lam dà lơgar sơr lèt gan ală kal ke, bơta lòng, mhar lơh geh ală jơnau kờ` ai tơlik: “ A` sơnơng là ờ geh broă lơi ndai, să tờm ală kuang geh jơng tàm mpồl Đảng dà lơgar kơnă pa pal đal git kơnòl he dê, tam gơl is să tờm, bơsong is să tờm jat nùs nhơm bơh pơrjum dà lơgar 4 dê tàm tơngai tus. Bol a` sơnơng là, git nđờ tơlak nă cau gùt lơgar kơp gơn mờ pơyua tàm sră đùh bol a` dê, bol a` ờ gơtùi lơh sơ lơu\ wơl bơta pin dờn hơ\ bơh làng bol gùt lơgar mờ jơh tơl nă cau geh Đảng tàm gùt lơgar dê”.

                                                     Cau cih mờ yal tơngit K’ Duẩn.