VOV4.K’ho - Drim òr (21/8), tàm [òn dờng Buôn Ma Thuột, càr Dak Lak neh bơyai lơh ngai chờ niam ờ do ờ dă tàm gùng lòt mờ lam sồr dơ\ pơlòng. Ngai chờ geh rơlao 3 rơbô nă ơruh pơnu, kơnòm bơsram, cau bơsram dờng tàm càr Dak Lak neh tus bal uă broă lơh bè: lòt tàm gùng, lam sồr bè bơta niam ờ do ờ dă tàm gùng lòt tàm gơl ală gơl gùng dờng; bơto bè broă măy rơndeh niam ờ do ờ dă; pơlòng “Rơngô bơrlềm biàng” kờ` g^t bè bơta niam ờ do ờ dă tàm gùng lòt bal mờ ală broă nhơl lam sồr gơrềng tus mờ bơta niam ờ do ờ dă tàm gùng lòt.

           Pà priă mờ sơgơn gàr bồ ai ală kơnòm bơsram geh cau pròc mhàm gơbàn rềs àr tàm gùng lòt in

Jăt Anih duh broă niam ờ do ờ dă tàm gùng lòt dà lơgar yal, pah ngai tàm lơgar Việt Nam geh di pơgăp 24 nă cau chơ\t tài rềs àr tàm gùng lòt. Dơ\ rềs àr gơrềng tus rơndeh Honda geh di pơgăp 70%. Càr Dak Lak là càr geh ù tiah ơnàng, làng bol kòn cau g^t wa mờ lơh jăt adăt gùng lòt gam ờ uă. Den tàng, broă di gơlan gơbàn rềs àr tàm gùng lòt uă ngan, kuơ màng ngan là tàm gùng 14 mờ gùng 26. Bơh tàm ală broă lơh do, ngai chờ geh pơgồp bal tàm broă bơ\t bơtàu nùs nhơm g^t wă bơta chài rơgơi gùng lòt tàm ơruh pơnu in, kơrian ală broă tòm di gơlan lơh gơbàn rềs àr, ai tơl^k broă tam gơl pa niam tàm ơruh pơnu mờ làng bol bè broă lơh jăt ală kơrnoăt bè niam ờ do ờ dă tàm gùng lòt. Tàm ngai bơyai lơh, mpồl bơyai lơh neh pà 500 nơm sơgơn gàr bồ geh khà kơl jăp ai ơruh pơnu bal mờ kơnòm bơsram, cau bơsram dờng in, 10 khà priă bơsram ai kơnòm bơsram geh cau pròc mhàm gơbàn rềs àr tàm gùng lòt in.

                    Cau cih mờ yal tơng^t Ndong Brawl