VOV4.K’ho- Poh lài, uă tiah tàm ù tiah Tây Nguyên dê kung bơyai lơh Ngai chờ Tam klăc dờng jơh gùt jơi bơtiàn sơl. Ngai 15/11, tàm thôn Mỹ Đức, xã Tân Văn, kơnhoàl Lâm Hà, càr Lâm Đồng neh geh lơh Ngai chờ Tam klăc dờng jơh gùt jơi bơtiàn di dơ\ tơngkah kir sơnrai 90 nam ngai bơhiàn Mặt trận dà lơgar Việt Nam. Jơnau yal tàm ngai chờ pà go\: thôn Mỹ Đức tu\ do geh 208 hìu bơnhă làng bol bal mờ 846 nă làng bol; tàm hơ\ geh 4 hìu bơnhă làng bol jơi bơtiàn Thái, Mường bal mờ 16 nă cau.

Pang rùp wa Hồ mờ wa Tôn jơnau pơrya bơh bơta tam klăc bal jơi bơtiàn dê

Jơh gùt thôn Mỹ Đức tu\ do gam 4 hìu bơnhă r[ah mờ 10 hìu bơnhă mờr ndrờm bè hìu bơnhă r[ah. Ală nam do, làng bol thôn Mỹ Đức neh tam klăc tàm dong kờl bal bơtàu tơnguh lơh sa, tơn jơh jơgloh tơrmù r[ah, khin cha tam gơl rơndăp tăp sèng tờm chi tam phan ròng tơnguh uă priă lơh geh mờ rài kis. Bal mờ hơ\, làng bol kung neh tam klăc bal bơ\t bơtàu rài kis niam chài tàm tiah ơm kis, sền gàr mờ ngui niam bơhiàn niam chài krơi is ală jơi bơtiàn tàm tiah do dê.

Cau mblàng Lơ Mu K’Yến