VOV4.K’ho – Ngai do, 02/4, Gơnoar ala mat dà lơgar mut lơh pồ kuang atbồ lơgar mờ broă đùh sră.

Tơnơ\ cribơyai, pờ tê ringbal kơrnuat pồ kuang atbồ lơgar, kuang atbồ lơgar pa geh yal bơr guh at gơnoar broă. Kung tàm ngai do, Gơnoar ala mat dà lơgar neh tơn jơh lơh broă kuang jat jơng atbồ Gơnoar ala mat dà lơgar, ờ uă kuang geh jơng tàm Anih duh broă sùm gơnoar ala mat dà lơgar, kuang atbồ mpồl duh broă kòn cau dà lơgar, kuang atbồ ờ uă anih duh broă bơh gơnoar ala mat dà lơgar, atbồ đah kờp du\ tă ngui dơ\ kes priă dà lơgar mờ broă đùh sră. Ngai òr, 01/4, Gơnoar ala mat dà lơgar lời jơh dùl ngai lơh broă tàm hìu pơrjum nàng cribơyai bè cồng nha mut lơh kơnòl bơtàu tơnguh lơh sa – mpồl bơtìan nam 2015 mờ 5 nam bơh nam 2011 tus nam 2015; cribơyai rơndap broă bơtàu tơnguh lơh sa – mpồl bơtiàn, rơndap broă ngui ù 5 nam bơh nam 2016 tus nam 2020. Tàm dơ\ cribơyai, ală kuang bàng đơs niam bơta đơng lam bơh gơnoar atbồ lơgar dê tàm 5 nam, bơh nam 2011 tus nam 2015; song dơpă mblàng ală bơta ờ pràn, ờ niam bơh rài lơh sa dê mờ ai tơlik uă broă lơh, tàm hơ\ tơr gùm gàr kơ\ broă lơh sa dờng, gàr tơl niam rài kis mpồl bơtiàn; bơsong bơta sa kuề sa kùa, hoàc huơr; trồ tiah lơh aniai, trồ prang dờng soat dà, dà hang mut lơh aniai mờ tơnguh jơnhua cồng nha broă lơh sa suơn sre kung bè ngui ù.

                                              Cau cih mờ yal tơngit K’ Duẩn.