VOV4.K’ho – Pơn jăt tai dơ\ lơh broă tàm pơrjum dơ\ 9, Gơnoar ala mat dà lơgar kơnă 13, drim do 10/06, Gơnoar ala mat dà lơgar cribơyai tàm mpồl bè rơndăp lơh Adat phan bơna mờ broă làng bol (tam gơl). Adat phan bơna mờ broă làng bol geh sền là adat kuơmàng tàm ală kơrnoat boh lam, tơrgùm lơh tam gơl uă bơta gi\t gơ\p mpồl bơtiàn gơrềng uă ngan tus rài kis pah ngai bơh làng bol mờ mpồl lơh sa kă bro dê. Tàm dơ\ cribơyai, ală kuang bàng đơs là, tam gơl Adat phan bơna mờ broă làng bol là bơta kờ` ngan tàm tơngai tu\ do, kờ` lơh geh jơnau kờ` bè broă dờp, sền dờng màng, sền gàr mờ gàr niam gơnoar kòn bơnus, gơnoar cau làng bol tàm lơgar dê; lơh gơs ală kơrnoat boh lam lơh sa drà kă bro jat gùng dà rài làng bol lơh tờm mpồl bơtiàn ring bal mờ mu\t gơrờm bal mờ dunia.