VOV4.K’ho- Pơn jăt tai broă pơrjum dơ\ 10, ngai do 11/11, 2 Rơndăp broă lơh Adat tàm hơ\ geh: Lòt rê gùng ù (tam gơl) mờ Adat Gàr niam ờdo ờdă lòt rê gùng ù geh ală kuang bàng Quốc hội cribơyai, ai jơnau đơs tàm dơ\ cribơyai tàm mpồl. Lài mờ dơ\ cribơyai, uă jơnau đơs kuang bàng Quốc hội gam kơlôi sơnơng tu\ Adat lòt rê gùng ù nam 2008 geh tam cah gơs 2 Rơndăp broă lơh Adat, tài bơh geh uă bơta ndrờm bal, tàm rơndăp tàm rơndồl. Jăt mờ hơ\, Adat Gàr niam ờdo ờdă lòt rê pal cih loh broă ătbồ kòn bơnus, bè: ai sră ai gơnoar măy rơndeh, pơrlòng măy rơndeh, bơto bơtê, kuơmàng là bơsong lơh tìs lòt rê. Tàm hơ\, pal lơh loh làng kơnòl bơh Bộ Kuang àng dê gơrềng tus gah broă lơh bơto bơtê, pơrlòng mờ ai sră ai gơnoar măy rơndeh…

Kung tàm ngai do sơl, Quốc hội pờ tê ring bal Kơrnoat bè broă rơndăp lơh bơtàu tơnguh lơh sa- mpồl bơtiàn nam 2021; pờ tê ring bal Adat Sền gàr tiah nhàr lơgar Việt Nam mờ Adat Sền gàr tiah ơm kis (tam gơl).

Cau mblàng Lơ Mu K’Yến