VOV4.K’ho- Pơn jat tai broă lơh pơrjum dơ\ 9, ngai do 16/6, ală kuang bàng Quốc hội pờ tê ring bal Adat Ơruh pơnu ( tam gơl) mờ Adat cri tơr`a bơyai, tìp mat cribơyai tàm Anih cah r`a.

Cribơyai tàm hìu pơrjum bè rơndap cih Nghị quyết bè tơrmù dia priă lơh geh mpồl lơh sa kă bro pal tơm nam 2020 gơ wèt mờ mpồl lơh sa kă bro, hợp tác xã, mpồl lơh broă mờ mpồl ndai mờ bè rơndap broă lơh adat Ơm kis. Kung tàm ngai do sơl, ală Kuang bàng Quốc hội cribơyai tàm mpồl bè Adat sền gàr tiah nhàr lơgar Việt Nam.

Dùl tàm ală tơngume gam sền gròi bơh rơndap broă lơh Adat Ơm kis (tam gơl) là wèt tus sang te\ sră hộ khẩu, ala mờ broă lơh atbồ tiah ơm kis bơh sră hộ khẩu mờ broă lơh atbồ jat sồ cih mat cau dùl nă să is geh yal jơnau yal tàm Cơ sở dữ liệu dà lơgar bè làng bol ơm kis.

Mơya, ală kuang bàng gam kơlôi sơnơng dan lơh loh gùng dà atbồ tiah ơm kis pa mờ sồr Chính phủ gàr tơl niam broă lơh gơs pà sồ cih muh mat cau dùl nă să is ai mờr 80 tơlak làng bol gam wơl jat di mờ tu\ tơngai geh ai.

Cau mblàng K’ Hạnh