VOV4.K’ho - Ngai do (16/11), Gơnoar ala măt dà logar pơrjum tàm hìu pơrjum dờng mờ bơyai lùp mờ hơ jơnau lùp. Ồng Nguyễn Hạnh Phúc, kuang atbồ anih lơh broă Gơnoar ala măt dà lơgar pà g^t, jăt rơndăp broă, Kang gơs gơnăp gơnoar atbồ hờ đang rơlao jơh dà lơgar geh 75 phút yal jơnau yal mờ hơ jơnau lùp bơh kuang bàng tàm Gơnoar ala măt dà lơgar.

Do là dơ\ lùp mờ hơ jơnau lùp du\t ndơl bơh tơngai lơh broă Gơnoar ala măt dà lơgar kơnă 13 dê, den tàng geh nùs nhơm sền wơl jơh tàm tơngai lơh broă. Is mờ ală dơ\ lài, anih lơh broă Gơnoar ala măt dà lơgar pơyoa dan jơnau đơs bơh kuang bàng bè ală jơnau lùp, bơh tu\ hơ\ geh rơndăp sền ală mpồ broă geh lùp, tàm pơrjum do, ală kuang bàng geh ai jơnau lùp tơn tàm dơ\ lùp mờ hơ jơnau lùp tàm tơngu me sền wơl broă lơh jăt ală kơrnoăt lùp mờ hơ jơnau lùp bơh sơnrờp tơngai lơh broă tus tu\ do bal mờ ờ uă kơrnoăt bè broă sền gròi jăt broă lơh. Broă gơrềng bal tus mờ kuang atbồ gah lơh broă lơi den kuang atbồ gah lơh boă hơ\ geh kơnòl hơ jơnau lùp. Den tàng, kung gam ờ hềt geh mpồl jơnau lùp, tơngu me jơnau lùp mờ hơ jơnau lùp kuang bàng dê, kung bè geh khà măt ală kuang bàng tàm Gơnoar atbồ lơgar geh lùp mờ hơ jơnau lùp. Tơnơ\ mờ tu\ lùp ală kuang bàng tàm Gơnoar atbồ lơgar, Kuang gơs gơnăp gơnoar atbồ hờ đang rơlao jơh dà lơgar geh là cau du\t ndơl yal mờ Gơnoar ala măt dà lơgar, di lah kuang bàng lùp Kuang gơs gơnăp gơnoar atbồ hờ đang rơlao jơh dà lơgar, tơn jơh dơ\ lùp mờ hơ jơnau lùp, Gơnoar ala măt dà lơgar geh tơl^k kơrnoăt bè broă lùp mờ hơ jơnau lùp kờ` tơngai lơh broă Gơnoar ala măt dà lơgar kơnă 14 pơn jăt tai sền gròi.

        Cau cih mờ yal tơng^t Ndong Brawl