VOV4.K’ho – Ngai do, 8/8, ală cau tus bal pơrlòng jơh bơsram kấp 3 nam 2020 tus anih pơrlòng nàng lơh sră tus bal pơrlòng (ờ kờp [òn dờng Đà Nẵng mờ 2, 3 tiah tàm càr Quảng Nam, Lạng Sơn gam lơh jat broă tam cah is tài kòp Covid-19).

Dơ\ pơrlòng nam do geh lơh tàm tu\ kòp Covid-19 gam gơlik geh kal ke den tàng Bộ Giáo dục mờ Đào tạo sồr ală tiah pal lơh jat nền nòn ală broă lơh rơcang sơndră kòp Covid-19 tàm tơngai pơrlòng.

Tàm [ùi drim, ală anih pơrlòng ndrờm bơyai lơh pơrjum mờ ală kuang bàng lơh broă sền pơrlòng nàng kờ` pơlam wơl ală tơngume mờ cau sền pơrlòng pal lơh jat mờ ală jơnau cih tu\ lam lơh kơ nòl broă tàm ală dơ\ pơrlòng. Tàm [ùi mho, cau pơrlòng tus anih pơrlòng nàng lơh sră mut pơrlòng, tam gơl ală bơta tìs dilah geh, iat jơnau yal bè kơrnuat pơrlòng, tơngai pơrlòng.

Tài kòp Covid-19 gơlik geh kal ke den tàng ală tiah ndrờm sồr ală anih pơrlòng pal pơlam cau pơrlòng lơh jat ală broă lơh rơcang sơndră kòp Covid-19 jat jơnau pơlam bơh gah lơh broă geh gơnoar dê tàm [ùi lơh sră mut pơrlòng.

Cau mblàng K’Duẩn