VOV4.K’ho - Ngai do (01/07),  bal mờ cau pơr lòng gùt lơgar, git nđờ jơt rbô na\ kơnòm pơr lòng tàm Tây Nguyên neh mut tàm ngai pơr lòng sơnrờp dơ\ pơr lòng jơh bơsram kai 3 dà lơgar. Lài hơ\,  ngai òr (30/06),  ala\ oh neh tus ala\ anih nàng geh lơh sra\ nggal, tus iat yal tơnggit kơrnuat pơr lòng. Tàm mpồl pơr lòng Hìu bơsram dờng Tây Nguyên, khà kơnòm pơr lòng 2 càr Dak Lak mờ Dak Nông neh tus lơh sra\ geh tus 96%, bơh rlau 23 rbô 900 na\ oh dan cih mat pơr lòng. Jat  mpồl bơyai lơh, khà sra\ nggal pal geh lơh niam wơl tàm mpồl pơr lòng do ê\t ngan. Ờ ua\  bơta tìs dềt bè ngai nhai nam deh, sồ kim ta…drờm geh rơndap lơh niam wơl kờ` ala\ oh geh tus pơr lòng tàm drim do. Broa\ lơh dong kờl dơ\ pơr lòng tàm mpồl pơr lòng Hìu bơsram dờng Tây Nguyên neh geh mut lơh mờ rlau 1 rbô na\ cau lơh broa\ dong kờl is. Rlau 1.600 dơ\ sào sa ờ roh pria\, pria\ ờ kas mờ 500 anih ơm ờ sa pria\ neh geh ala\ cau lơh broa\ dong kờl is rcang kờ` dong ala\ kơnòm tus pơr lòng tàm ala\ ngai tus pơr lòng. Bi Đặng Gia Duẩn kuang jat jơng atbồ mpồl ơruh pơnu càr Dak Lak, atbồ mpồl lam sồr broa\ lơh dong kờl dơ\ pơr lòng, ai git:“Bol a` geh pơnjat tai,  geh jòi wa\ ala\ cau tus pơr lòng geh rài kis kal ke kờ` geh pơnjat tai geh dong kờl ala\ oh tơl jơh, mut lơh broa\ lơh bal mờ bơyo lòt pơr lòng, tus wa\ hờ sồng jun ala\ oh tus ala\ anih ơm gời, ai geh piang sa ờ  jơh pria\ hơ\ sồng jun ala\ oh tus anih pơr lòng niam”.

          Kung dùl ngai bal, tàm Gia Lai, rlau 15 rbô 500 nă cau pơrlòng lòt Pơrlòng jơh bơsram kai III dà lơgar tàm 2 càr là Gia Lai mờ Kon Tum kung neh tus lơh sră pơrlòng. Jat Mpồl bơyai lơh pơrlòng, yal: geh tus 335 nă cau pơrlòng ờ geh mat mờ 90 sră mu\t pơrlòng lơh tìs jơnau yal cau pơrlòng. Jơh ală sră mu\t pơrlòng do neh geh lơh wơl, nàng ai cau pơrlòng in gơtùi mu\t pơrlòng tàm drim ngai do 01/07. Gơ wèt mờ rlau 300 nă cau pơrlòng ờ hềt lơh sră pơrlòng, Mpồl duh broă pơrlòng kung ai sơl ală cau pơrlòng in lơh sră tàm tu\ jiơ bơh sơnrờp bơh bùi geh lơh ală môn pơrlòng. Tiến sĩ Trần Đình Lý, Hìu bơsram dờng Nông Lâm [òn dờng Hồ Chí Minh, kuang atbồ Mpồl dong broă Mpồl duh broă pơrlòng, pà gi\t: “Ngai do, ală cau pơrlòng tus dờp sră mu\t pơrlòng, geh lir ru\p mờ ală oh geh bơto pơlam lơh ală sră pơrlòng, kơrnoat pơrlòng tàm ală ngai mờr tus. Mơya, geh bàr pe nă oh tài bơh dùl jơnau lơi hơ\, ờ thàn tus di tu\. Mpồl duh broă pơrlòng neh gàr wơl sră mu\t pơrlòng geh rùp bơh ală oh dê. Tàm drim ngai hìng, tus ală môn pơrlòng mờ ală oh pơrlòng, Mpồl duh broă pơrlòng geh tàm pơndrờm ală sră mu\t pơrlòng hơ\ mờ ală oh nàng gơtùi dong ai ală oh in tus pơrlòng môn neh cih mat”.

                                      Cau mblàng K’ Brọp mờ Lơ Mu K' Yến.