VOV4.K’ho – Drim do, 3/11, Gơnoar ala mat dà lơgar pơnjat tai cribơyai lơh sa mpồl bơtiàn mờ kes priă dà lơgar. Tàm ngai òr, 2/11, tềng đap bơta đơng lam bơh mò Nguyễn Thị Kim Ngân kuang jat jơng atbồ Gơnoar ala mat dà lơgar, Gơnoar ala mat dà lơgar neh lời jơh dùl ngai nàng cribơyai tàm hìu pơrjum bè cồng nha mut lơh rơndap broă bơtàu tơnguh lơh sa mpồl bơtiàn nam 2015 mờ rơndap broă bơtàu tơnguh lơh sa mpồl bơtiàn nam 2016. Uă ngan tơngume geh kuang bàng Gơnoar ala mat dà lơgar dan nàng broă lơh sa bơtàu tơnguh ngan ngồn kơ\ kơljap, bơsong niam bơta dồs dà lơgar mờ ngui bơta [uơn tàm tu\ mut gơ rờm bal. Bơh cribơyai, uă kuang bàng cih dờp bơta tam gơl pràn ngan bơh broă lơh sa mpồl bơtiàn tàm nam 2015, kờp bal tàm lơgar mờ cribơyai mờ lơgar ndai. Ală kuang bàng đơs niam bơta đơng lam bồ bơh Gơnoar atbồ lơgar dê tàm broă sền gròi khà priă, tờmu bơta roh bơngă khà priă, tam gơl niam ròt anih priă jền, chồl pràn broă mut gơ rờm bal, tam gơl phan bơna gùng lòt, lơh jơh ală khà mờ Gơnoar ala mat dà lơgar ai tơlik. Mơya uă kuang bàng đơs niam, bơta niam bơtàu tơnguh gam ờ hềt kơ\ kơljap; dồs dà lơgar gam uă; cồng nha ngui priă bơcri tu\ do lơyah ir. Broă rơndap ù tiah gam ờ hềt niam lơh gơbàn ală hoàc huơr tài bơt bơtàu rơndap broă mơya ờ mut lơh ngan ngồn, rơndap ù tiah ờ ringbal. Broă tơlik kơrnuat bơcri priă gam rah rài, cồng nha lơh geh lơyah, hoàc huơr gam uă. Broă lòt sền, sền gròi ờ hềt geh cồng nha.

                                                                     Cau cih mờ yal tơngit K’ Duẩn.