VOV4.K’ho – Ngai 7/10, pơrjum Đảng dà lơgar dơ\ 13 mut tàm ngai lơh broă dơ\ 3. Ồng Nguyễn Xuân Phúc, Ủy viên Bộ Chính trị, Thủ tướng Chính phủ ala mat Bộ Chính trị đơng lam broă lơh pơrjum.

Tàm ngai lơh broă dơ\ 3 do, drim ngai 7/10, Ban Chấp hành Đảng dà lơgar lơh broă tàm mpồl, cribơyai jơnau yal bè broă lam lơh broă rơndap lơh bơtàu tơnguh lơh sa mpồl bơtìan nam 2020, kờp du\ lài broă rơndap lơh bơtàu tơnguh lơh sa mpồl bơtìan nam 2021; jơnau yal sền sơ wì broă ngui kes pria\ dà lơgar nam 2020 mờ kờp du\ lài kes pria\ dà lơgar nam 2021; Jơnau yal broă rơndap lơh pria\ jền – kes pria\ dà lơgar 3 nam, bơh nam 2021 tus nam 2023. Mho ngai 7/10, Ban Chấp hành Đảng dà lơgar lơh broă tàm Hìu pơrjum, pơn jat tai cribơyai ală jơnau yal pa yal.

Cau mblàng K’Duẩn