VOV4.K’ho – Jat jơnau yal mhar bơh gah bơto bơtê mờ bơsram dà lơgar dê, tàm ngai pơrlòng sơn rờp bơh dơ\ pơrlòng jơh bơsram kai 3 dà lơgar nam 2016 tàm ngai òr, 1/7, khà cau tus bal pơrlòng geh rlau 99%. Bulah bè hơ\ geh 40 nă cau pơrlòng neh gơtìp ơm ờ ai pơrlòng tai tài lơh tìs kơrnuat pơrlòng. Tàm bùi pơrlòng môn Toán drim òr, gùt lơgar geh rlau 852 rbô nă cau tus bal pơrlòng, geh 99,11%; môn dà đơs lơgar ndai tàm bùi nho geh rlau 637 rbô nă cau tus bal pơrlòng, geh 99,36%. Geh 63 nă cau lơh tìs kơrnuat pơrlòng gơtìp lơh glài, tàm hơ\ geh 15 nă cau gơtìp tơngkah, 8 nă cau gơtìp đơs lah mờ 40 nă cau gơtìp ờ ai pơrlòng tai. Gah bơto bơtê mờ bơsram dà lơgar pà git, tàm ngai pơrlòng sơn rờp, bơta pơrlòng tàm rlau 1 rbô 400 mpồl pơr lòng tàm gùt lơgar geh bơyai lơh niam, di mờ kơrnuat pơrlòng. Ală cau ờ bè ờs bè cau jơ ngo mat, cau ờ gơtùi cih, cau ờ geh sră pơ àr geh ală mpồl duh broă pơrlòng bơ song jat kơrnuat mờ dong kờl nàng ală oh geh pơrlòng. Uă cau pơrlòng mờ pơgru đơs, jơnau lùp pơr lòng tàm 2 môn sơn rờp là dà Mỹ mờ môn Toán niam, geh bơta tam cah uă.

                     Cau cih mờ yal tơnggit K’ Duẩn.