VOV4.K’ho- Ală nam do, priă càn ờ sa priă cồng uă bơh Ngân hàng Chính sách- Xã hội càr Daklak dê neh dong kờl ai uă hìu bơnhă r[ah in sơrlèt gan kal ke, kơ\ kơl jăp rài kis mờ gơ gơs là anih kơldìng kơ\ kơl jăp ai cau r[ah tàm tiah do in. Cồng nha priă càn do geh tơngo\ loh làng ngan bơh tàm broă lơh sa kă bro ngan ngồn tàm uă hìu làng bol lơh broă sa tàm kơnhoàl Krông Ana.

Pơgăp mờ do bàr pe nam, hìu bơnhă ồng Y Duan Ktla, kis tàm [òn Choá, xã Ea Na, kơnhoàl Krông Ana, càr Daklak là dùl tàm rlau 340 hìu bơnhă làng bol r[ah bơh xã dê. Hìu geh sươn sre, mơya tài bơh ờ geh priă jền nàng lơh, den tàng hìu bơnhă ồng Y Duan kis sùm tàm rài kis r[ah lơ ời bơh nam do tus nam ne.

Rài kis ngan ngồn gơ tam gơl tu\ tàm nam 2013 lài do, ồng lơh nền càn 20 tơlak priă bơh Ngân hàng Chính sách- Xã hội sơngka sền gàr wơl 5 sào kơphê, tam 3 sào kòi sre mờ ròng tai sur, iar. Geh priă bơcri lơh bal mờ bơta tơryăng tơryồng mìng tơnơ\ 2 nam, hìu bơnhă ồng neh geh priă nàng tơm dồs. Tus tu\ do, lơh sa hìu bơnhă bơtàu tơnguh rlau, rài kis niam rlau, priă lơh geh mờr 180 tơlak dùl nam.

Ồng Y Duan Ktla, chờ hờp ngan đơs bè do:

“Rài kis hìu bơnhă a` lài do ờ geh priă jền nàng bơcri sơngka sền gàr kơphê mờ ròng phan, kơnờm bơh ngân hàng chính sách- xã hội dong kờl ai càn priă, ai bơh priă jền hơ\ hìu bơnhă a` neh bơcri tàm kơphê mờ ròng phan. Tus tu\ do, lơh sa hìu bơnhă dê neh ờ huan bòl glar ir, mờ tu\ do neh geh phan sa phan prăp sơl”.

Ờ mìng is hìu bơnhă ồng Y Duan Ktla lơm ờ, mờ gi\t nđờ rhiang hìu bơnhă ndai tàm xã Ea Na, kơnhoàl Krông Ana neh lơh ngan sơrlèt gan kal ke klàs bơh rài kis r[ah kơnờm càn priă dong kờl ờ sa priă cồng uă nàng bơtàu tơnguh lơh sa.

Bơh priă càn do, bal mờ bơta pơlam gùng, dong kờl bal bơh gơnoar atbồ, mpồl cau dê, uă broă lơh sa jat bơta is rơmis bơh tiah do dê neh geh crơng gơs lơh geh cồng nha tàm broă ngui priă càn, bè: tam kơphê, tiêu, bơsềt linh chi, lơh kòi sre, ròng sur, ròng kơnrồ neh pơgồp bơnah tơrmù r[ah mhar, mờ kơ\ kơl jăp ai ală hìu bơnhă làng bol kòn cau tàm xã in.

Ồng Y Pil Êban, Phó Kuang atbồ Ủy ban Nhân dân xã Ea Na, kơnhoàl Krông Ana, pà gi\t:

“Bơh priă càn bơh ngân hàng chính sách dê neh pơgồp bơnah uă ngan ai xã in kơ\ kơl jăp bè lơngăp lơngai rơndăp tăp sèng, bơtàu tơnguh rài kis làng bol dê, lài do bơta bơcri priă ròng oh kòn lòt bơsram kung kal ke ngan sơl, mơya bơh tu\ geh priă càn lời ai kơnòm bơsram, cau bơsram dờng in, oh kòn tàm xã neh geh priă jền mờ bơsram niam rlau”.

Dùl anih lơh broă bơh Ngân hàng Chính sách- Xã hội càr Daklak dê

Tus tu\ do, Ngân hàng Chính sách- Xã hội càr Daklak pơgồp bal mờ ală mpồl cau dờp bơta ala mat càn priă bơh rlau 600 mpồl tềm pềr, mờ càn priă, bơyai lơh geh 100% anih lơh broă tàm ală xã. Mìng kờp is bơh bồ nam tus tu\ do, ngân hàng neh lơh pràn broă lơh ai càn priă mờ kờp jơh priă ai càn là rlau 613 tơmàn, ai mờr 26 rbô 500 hìu bơnhă làng bol in geh càn priă.

Tàm hơ\, ai mờr 15.670 hìu r[ah, hìu mờr ndrờm bè hìu r[ah mờ klàs bơh r[ah in geh càn priă nàng bơcri tàm broă lơh sa, ròng phan bơtàu tơnguh rài kis. Rlau 5400 hìu bơnhă tàm [òn lơgar geh càn priă neh lơh dà sàng kloh mờ lơh kloh niam tiah ơm kis. Bơh broă ai càn priă jòi broă lơh neh dong kờl ai rlau 860 nă cau lơh broă geh broă lơh sùm. Rlau 420 hìu bơnhă geh rài kis kal ke geh càn priă ai oh kòn in bơsram…

Ồng Nguyễn Tử Ân, Kuang atbồ Ngân hàng Chính sách- Xã hội càr Daklak, pà gi\t:

“Gơ wèt mờ kuang bàng ngân hàng chính sách sùm lơh ngan mờ ờ go\ di là kuang bàng ai càn lơm gời ờ mờ gam lơh tai broă lơh lam sồr làng bol nàng lơh bè lơi bơh priă jền he lơh broă lơh mblàng yal hòi jà làng bol lơh jat gùng dà broă lơh kơrnoat boh lam bơh dà lơgar dê, ngui priă càn di broă mờ geh cồng nha.

Bal mờ priă jền bơh dà lơgar mờ bơh càr dê mu\t lơh broă lơh kờn tàm nam 2017 do tơrmù hìu r[ah geh bơh 2,5- 3%”.

Broă lơh ai càn priă bơh Ngân hàng Chính sách- Xã hội càr Daklak dê ngan ngồn gơ gơs là priă jền kuơmàng, là gùng dà broă lơh geh kuơ ngan dong càr bơtàu tơnguh lơh sa- mpồl bơtiàn. Jơnau do tơngo\ bơh broă hìu r[ah mờ ală hìu bơnhă chính sách neh kơ\ kơl jăp geh rài kis, tơrmù r[ah geh cồng nha!

Cau cih mờ yal tơngi\t- Lơ Mu K’ Yến