VOV4.K’ho- Nàng kờ` dong kờl làng bol tàm ală xã ngài mờ tiah tờm gơ in buơn boài tàm broă ai càn priă bơcri mờ ală broă drơng ala, Ngân hàng Nông nghiệp mờ Phát triển Nông thôn Dak Lak (Agribank Dak Lak) neh bơyai lơh ală tiah lơh broă ntrờ` làm bă tiah mờ rơndeh dờng ngui lơh broă tàm ală xã tiah sar lơgar ngài, tiah ngài mờ kơnhoàl Lak. Tơnơ\ rlau 1 nhai lơh broă, broă lơh do neh pơgồp bơnah lơh geh cồng nha tàm broă lơh tơr mù broă càn priă sa priă cồng uă, tơn jơh jơ gloh, tơr mù r[ah, tơnguh uă priă lơh geh ai làng bol in.

Ồng Phạm Văn Thái, ơm tàm thôn Kiến Xương, xã Buôn Triết, kơnhoàl Lak pà g^t, hìu bơnhă ồng geh 1 lồ 2 sào ù mờ rlau 5 sào kơ phê, gam kờ` ngan geh priă nàng blơi phan bơna mờ phơng sih. Bồ nhai 6 do, ồng Thái neh dan mờ Kuang bàng lơh broă ai càn priă ngân hàng Nông nghiệp mờ Phát triển Nông thôn sơne\ kơnhoàl Lak dê nàng geh bơto pơlam broă tàm hìu; mờ Kuang bàng ai càn priă kung lòt sền, sền sơ wì bơta geh ngan ù tiah hìu bơnhă dê… Dơ\ lơh broă ngai 16 nhai 6 pa do, ồng Thái lòt tus UBND xã, tiah geh rơndeh dờng bơh ngân hàng Agribank sơne\ kơnhoàl Lak dê neh ơm kơ\p lài nàng lơh gơs sră pơ àr mờ dờp geh 150 tơlak đong. Ồng Thái chờ hờp tài bơh khà priă kờ` càn neh geh di mờ tu\ tơngai, ờ duh pal càn priă sa priă cồng uă, lơh gơbàn dồs đah bơdìh bè lài tài.

Ngai do tus tềng do geh hòi mat, hòi sơnam den bol a` ki\ tàm sră pơ àr. Jơh den guh tàm rơndeh lơh broă ntrờn làm bă tiah nàng ai priă. A` gơ lơh sền go\ là buơn boài ngan ai làng bol bol a` in. Dơ\ dùl là gùng ờ ngài ir sơl, dơ\ bàr là ờ duh pal ơm kơ\p jo\.

Ồng Nguyễn Đăng Trọng, Chủ tịch UBND xã Buôn Triết pà g^t: Xã geh 15 thôn, [òn mờ rlau 1 rơbô 800 hìu bơnhă. Buôn Triết là xã lơh sa suơn sre lơm, uă ngan là lơh kòi sre, mờ bă sre gơguh tus 2 rơbô 300 lồ. Tàm kàl lơh kòi, ală hìu bơnhă ndrờm kờ` ngan geh priă jền nàng plơi phan bơna phơng sih sơng ka sền gàr kòi mờ ală phan tam ndai in. Ồng Trọng đơs nền, rlau 1 nam do, bơh tu\ geh ală dơ\ lơh broă bơh ngân hàng Agribank kơnhoàl Lak dê mut lơh tàm ală tiah tờm tàm xã, làng bol buơn ngan tàm broă càn priă kung bè lơh jat ală bơnah lơh broă drơng ala ndai bè pơyoa priă tềm pềr, pơyoa priă, tơm priă. Khà priă geh ai càn di pal mờ di tu\, pơgồp bơnah lơh tơr mù jơnau ai càn priă lơyah tơngai mờ sa priă cồng uă đah bơdìh.

Bơh dì tu\ geh rơndeh lơh broă ntrờn làm bă tiah bơh ngân hàng dê rê lơh broă tàm hìu lơh broă UBND xã dê den neh cèng wơl cồng nha niam, lơh geh bơta buơn ai làng bol tàm xã in geh lơh broă mờ ngân hàng tơn dùl bă buơn ngan. Làng bol ờ gam pal lòt ngài bơh xã tus tàm kơnhoàl tai. Xã là dùl tiah lơh kòi sre uă, den cau lơh broă sa sùm kong mờ bơta gơ rềng bè trồ tiah lơh aniai, trồ prang dờng soat dà, dà ko\ dà cò. Den tàng g^t mờ broă geh ngân hàng ai càn priă bơcri den geh uă ngan làng bol cau lơh broă sa, tiah làng bol kòn cau tus tơn tàm tiah lơh broă, lơh sră pơ àr càn priă kung bè càn priă di tu\ mờ buơn ngan.

Dơ\ lơh broă mờ rơndeh trờ` làm bă tiah tàm xã Buôn Triết

Ồng Nguyễn Hữu Xuân, Giám đốc sơne\ ngân hàng Agribank kơnhoàl Lak pà g^t, tơnơ\ tu\ geh rơndeh lơh broă ntrờ` làm bă tiah, ngân hàng crơng gơs mpồl lơh broă ai càn priă bơh đah bơdìh.  Dùl mpồl ai càn priă pal geh uă ngan là 10 nă cau, mờ khà priă dùl nă cau càn là ờ uă ir 200 tơlak đong. Anih lơh broă bơh rơndeh lơh broă ntrờ` làm bă tiah rềp ngan mờ anih lơh broă là 20 kơi sồ, anih ngài ngan rlau jơh là rlau 60 kơi sồ.

Gơ wèt mờ ngân hàng, den dơ\ 1 là tus lơh broă kung gam pơyoa priă tềm pềr, kung pơyoa priă sơl. Jơh ală broă lơh bơh ngân hàng Agribank dê mbè lơi den rơndeh lơh broă ntrờ` làm bă tiah tus lơh broă kung lơh bè hơ\ sơl. Den buơn ngan ai làng bol in, dơ\ 1 là ờ hoan pal lòt rê uă, dơ\ 2 là lơngap lơngai tài bơh rơndeh he dê tus tơn tàm tiah càn priă ai làng bol in den geh bơta lơngap lơngai ngan. Dơ\ 3 tai là lơh tơr mù jơnau ai càn priă sa priă cồng uă bơh đah bơdìh. He lòt lơh broă rềp mờ làng bol, dong kờl làng bol. Oh mi kuang bàng ai càn priă ơm tàm tiah lơh broă nàng g^t bơta tàm hìu bơnhă làng bol dê là mbè lơi, tam phan lơi, ròng kòn lơi, sơn tìl lơi nàng dong kờl làng bol in di tu\.

Kơnờm lơh niam gah pơlam ai càn priă bơh anih lơh broă ntrờ` làm bă tiah den khà priă ai càn priă di pal ai ală tiah tàm 4 xã geh anih lơh broă ntrờ` làm bă tiah dê geh bơta gơguh uă ngan mờ lơh geh khà là 224 tơmàn đong. Tàm hơ\, xã Buôn Triết: 98 tơmàn đong, xã Krông Nô: 78 tơmàn đong, xã Nam Ka: 22 tơmàn đong, xã Ea R’bin: 26 tơmàn đong. Bơdìh mờ broă ai càn priă drơng broă lơh sa, rài kis làng bol tàm ală xã do kung neh sơn đờm rơ hời mờng quèng mờ broă pơyoa priă tềm pềr mờ lơh jat broă pơyoa priă tàm tiah lơh broă tơn. Bơta pal đơs ngan tai là bơta càn priă lơyah tơngai sa priă cồng uă neh ờ hoan geh tai mờ rơ hời geh tơr mù.

Cau cih Lê Xuân Lãm- cau mblàng K’ Hạnh