VOV4.K’ho- Neh 10 nam do, tu\ tus kàl pơr lòng là ùr pơgru Tôn Nữ Giác Duyên, 70 sơnam ơm tàm sơnah [òn 3, [òn dờng Dà Làc, càr Lâm Đồng, den ờ ru ngan mờ guh bơh àng drim gờ` nàng tus anih pơr lòng Hìu bơsram kấp pe Bùi Thị Xuân, [òn dờng Dà Làc, bal mờ ơruh pơnu dong kờl is dong kờl ală cau lòt pơr lòng sơr lèt 5 môn. Nùs nhơm niam bơne\ bơh ùr pơgru dê là bơta pơn jờng ai ală bơyô kơnòm să in in bơsram mờ tă pơgồp dà kơl hề.

Tàm dơ\ pơr lòng jơh bơsram kấp pe dà lơgar pa do, uă mè bèp mờ kơnòm bơsram tàm Hìu bơsram kấp pe Bùi Thị Xuân, [òn dờng Dà Làc, càr Lâm Đồng, nrơ\t ndơl ngan tu\\ tàm mpồl ơruh pơnu dong kờl is kàl pơr lòng sùm geh dùl nă ùr dờng sơnam jơh nùs mờ sơrmah sơrmài ngan. Cau dong kờl krơi is do là ùr pơgru Tôn Nữ Giác Duyên, 70 sơnam, cau pơgru lài do hìu bơsram kấp bàr Quang Trung, [òn dờng Dà Làc.

Ùr pơgru Tôn Nữ Giác Duyên pà g^t, să tờm neh tus bal dong kờl kàl pơr lòng sùm bơh 10 nam do, pơn jờng, pơn dờm pơnđiang kơnòm bơsram lơh gơs jơh ală jơnau pơr lòng.

A` tus bal dong kờl kàl pơr lòng mờ kơ\p kờ` pơn jờng ală oh lơh ngan pơrlòng. Broă lơh do là pơn jờng ală oh kung bè ală mè bèp kơnòm pơrlòng dê sơl. A` kơ\p kờ` geh uă tai pràn kơl dang să jan nàng ală kàl pơrlòng tơnơ\ do pơn jat tai dong mờ dong kờl ală oh.

Ùr pơgru Tôn Nữ Giác Duyên bal mờ cau bơsram dờng dong kờl is tàm dơ\ pơr lòng jơh bơsram kâp pe dà lơgar nam 2019 

Rùp să ùr pơgru neh dờng sơnam jơh nùs lòt pà dà hùc, pơn jờng, lùp còp ală kơnòm pơrlòng lài mờ tu\ mờ tơnơ\ jơh pơr lòng tơl môn neh ai geh tai bơta pin dờn ai ală bơyô kơnòm să in tus bal dong kờl is.

Oh Vương Mai Trâm, cau bơsram dờng dong kờl is Hìu bơsram Đại học Dà Làc, tus bal dong kờl dơ\ pơrlòng jơh bơsram kấp pe dà lơgar nam 2019 đơs: mpồl dong kờl is bol oh bơtoah ngan tu\ geh tai pơgru Duyên. Ùr pơgru bè là mè sùm rềp mềr lùp còp, dong kờl bol oh kung bè ală kơnòm pơr lòng tus bal tàm dơ\ pơr lòng.

Oh sền go\ ùr pơgru neh dờng sơnam mơya jơh nùs ngan. Ùr pơgru lòt tàm do, dong kờl bol oh sùm. Ùr pơgru geh nùs nhơm mờ kơnòm bơsram, geh uă kơnòm pa jơh pơrlòng lik bơh ơdu\ den ùr pơgru geh lùp ală oh lơh gơtùi sơljơnau pơr lòng halà ờ.Bol oh kơ\p kờ` tơnơ\ do geh nùs nhơm bè ùr pơgru sơl.

Dùl nă ùr pơgru neh jơh sơnam lơh broă bơh jo\ kung gam ờ hi\u dong kờl kơnòm pơrlòng, neh lơh geh rùp să ngoh rơngăc gơ wèt mờ làng bol Dà Làc dê. Ồng Nguyễn Văn Hùng, ơm tàm sơnah [òn 3, [òn dờng Dà Làc, càr Lâm Đồng đơs, sền go\ do là dùl krơh kis niam, kis geh kuơ.

Jat a` go\, do là broă lơh niam ngan. Do là dùl krơh àng nàng ală bơyô rơnàng kờnòm să kung bè làng bol kis tàm [òn dờng Dà Làc dê gơtùi lơh jat tàm tơl kàl pơrlòng, tơl kàl dong kờl pơrlòng, nàng ală oh in geh dùl kàl pơrlòng geh cồng nha.

Cau mblàng K’ Hạnh