VOV4.Kho - Ia rvê là xã tiah nhàr dà lơgar bơh kơn hoàl Ea Súp, càr Daklak dê, geh broă lơh sa kal ke ngan, mờ rlau 70% hìu nhă r[ah. Do kung là tiah lơh sa pa, jơh ală làng bol ơm kis ndrờm bơh uă tiah tus lơh broă; bơta ngap lơngai ờ do ờ dă, lơh tìs ală jơnau cih sền gàr brê, sền gàr tiah nhàr dà lơgar gơlik geh kal ke. Ờ suk bè broă pơgồp bal mờ ală mpồl lơh broă nàng gàr kơ\ mpồl sền gàr ngap lơngai dà lơgar tiah nhàr dà lơgar, tàm ală nam do, ồng Nguyễn Văn Hiếu, kuang atbồ anih lơh broă ling klàng xã Ia Rvê neh sùm lơh ngan, geh uă jơnau bơceh pa cribơyai ai cấp uỷ, gơ noar atbồ tàm [òn lơgar mut lơh niam kơnòl broă do. Mờ ală tă pơgồp jơh nùs ngan bơh ồng dê, pa do, ồng Nguyễn Văn Hiếu neh geh jờng rơ gùt Quân khu V bè dơ\ lam sồr “Bơtàu tơnguh bơhìan yau, tă pơ gồp pràn jak, dipal mờ sơnđan cau ling wa Hồ”:

Lơh jơh kơnòl ling klàng rê wơl tàm [òn lơgar, Nguyễn Văn Hiếu, ơm tàm xã Cư Kbang, kơnhoàl Ea Súp geh pồ lơh kuang bàng, hơ\sồng Phó kuang atbồ, Kuang atbồ anih lơh broă ling klàng xã Ia Rvê, kơnhoàl Ea Súp, càr Daklak. Là xã tiah nhàr dà lơgar uă kal ke, geh bơta pơn rơ is, Nguyễn Văn Hiếu neh geh uă broă lơh ngan, jơnau bơceh pa, cribơyai bơt bơtàu mpồl dân quân xã, tờm ngan là mpồl dân quân lơh broă sùm, bè dùl mpồl ling lòt lơh broă làm bă tiah, mờng chài. Rlau 5 nam do, tềng đap bơta đơng lam bơh ồng Nguyễn Văn Hiếu dê, mpồl dân quân xã Ia Rvê neh lơh geh uă cồng nha jak ngan tàm broă pơgồp bal mờ ală mpồl lơh broă geh gơnoar bè mpồl ling sền gàr tiah nhàr dà lơgar, ală mpồl lơh sa sền gàr dà lơgar, kiểm lâm… mut lơh niam ală kơnòl bè lòt sền, sền gàr tiah nhàr dà lơgar, sền gàr brê, gàr kơ\ mpồl sền gàr dà lơgar gùt làng bol. Mpồl dân quân lơh broă sùm bơh sơn rờp mìng 3 nă cau geh Đảng, tu\ do neh crơng gơs geh chị bộ ling klàng xã mờ 9 nă cau geh Đảng. Đòm jat pưn rơ jak ồng Nguyễn Văn Hiếu dê, kuang bàng, cau ling dân quân lơh broă sùm neh pơr lòng mut lơh niam ală kơnòl dong làng bol, bơtàu tơnguh lơh sa, tam gơl niam rài kis cau ling mờ lơh niam broă dong kờl mpồl ling in. Yal bè mờng chài mut lơh kơnòl broă, ồng Nguyễn Văn Hiếu đơs: “Broă đal git nùs nhơm ai mpồl kuang bàng, cau ling in, bơt bơtàu nùs nhơm kơ\ kơljap, gơwèt mờ mpồl bal bơt bơtàu ai mpồl dân quân xã in den đal git là pal geh nùs nhơm niam. Dơ\ 2 là bơt bơtàu tam klac tàm mpồl, oh mi tàm dong kờl bal mờ gơp, tài jơnau kờ` bal là lơh jơh niam broă geh jàu. Dơ\ 3 là bơt bơtàu git gơp ling klàng làng bol, mpồl đơng lam ling klàng xã kung sùm bơyai lơh lam sồr làng bol, bal mờ hơ\, mpồl đơng lam ling klàng xã kung tus bal cribơyai mờ gơnoar atbồ xã mut lơh niam broă dong kờl ling klàng in. Mờ ală broă lơh hơ\, bơnah lơi gàr kơ\ mpồl sền gàr dà lơgar tàm làng bol tàm tiah nhàr dà lơgar.”

Jat Thượng tá Nguyễn Trãi, Chính trị viên anih lơh broă ling klàng kơnhoàl Ea Súp, ồng Nguyễn Văn Hiếu là cau ờ huan geh ngan tàm khà cau đơng lam bồ tàm kơnă xã. Den tàng, Nguyễn Văn Hiếu gam geh sồr lòt bơsram, bơto bơtê nàng tă pơgồp uă rlau tai. Nguyễn Văn Hiếu kung pa geh kơnă hơđang sồr rê lơh kuang atbồ anih lơh broă ling klàng xã Cư Kbang, kơn hoàl Ea Súp nàng dờp ală kơnòl pa kơn jơ\ rlau tàm tiah do. Thượng tá Nguyễn Trãi pà git: “Bi Nguyễn Văn Hiếu là dùl nă kuang bàng kơnòm să, bulah bơh xã ndai rê hờ Ia Rvê lơh broă, ngài 70 kơi sồ, kal ke ngan. Mơya tu\ lơh broă den geh kơnòl ngan, mùl màl broă lơh bơh bi Hiếu dê là sền gàr broă lơh bơh dân quân dê dùl bă krà` cê ngan, tàm broă lòt sền tiah nhàr dà lơgar, pơ gồp bal mờ ală mpồl ndai krà` cê ngan. Bal mờ hơ\, bi Hiếu đơng lam oh mi bơtàu tơnguh lơh sa, bơtàu tơnguh ròng kơnrồ, drơng rài kis oh mi in niam ngan.”

Brồ guh nùs nhơm geh kơnòl, bơsong kal ke nàng lơh jơh niam kơnòl broă, Nguyễn Văn Hiếu neh geh jờng rơ gùt Quân khu 5, là cau geh pơn rơ jak bè dơ\ lam sồr “Bơtàu tơnguh bơhìan yau, tă pơgồp pràn jak, dipal mờ sơnđan cau ling wa Hồ”. Bulah bè hơ\, đơs bè broă lơh he dê, bi Hiếu pơn dềt is ngan să tờm he dê: Băng:

“Dialh ơm tàm gơnoar a` dê ngan cau lơi kung gơtùi lơh broă hơ\, a` ờ khin dờp he là cau pơn rơ jak. Kơnòl là dùl nă cau neh sơr lèt gan tơngai ơm tàm ling klàng, geh bơta sền gròi bơh kuang đơng lam bồ ală kơnă dê den đal git là lơh jơh kơnòl he dê. Tàm rài kis pah ngai, bulah kal ke, mơya gam uă cau ndai kal ke rlau mờ he, mơya khi kung lơh gơtùi den ờ geh bơta lơi mờ he ờ gơtùi lơh”.

                  Cau cih mờ yal tơnggit K’Duẩn