VOV4.K’ho - Mho òr (10/9), tàm hìu lơh broă Gơnoar atbồ lơgar, ồng Nguyễn Xuân Phúc, kuang jăt jơng gơs gơnăp gơnoar atbồ hờ đang rơlao jơh dà lơgar neh wă mpồl kuang bàng lơh broă tàm gah rơndăp broă mờ bơcri priă lơgar Lào geh ồng Som-dy Duong-dy, kuang atbồ gah rơndăp broă mờ bơcri priă lơgar Lào lam bồ. Đơs niam cồng nha lơh broă bơh Gah rơndăp broă mờ bơcri priă 2 lơgar, tàm hơ\ uă ngan là tàm broă cri bơyai bal broă mờng chài bè broă hòi jà, sền gàr priă ODA lơgar Việt Nam dê bè tơnguh tơlir mờ broă pơgồp bal broă tơnguh bơtàu lơh sa-mpồl bơtiàn kờ` chồl pràn tơnguh bơtàu lơh sa jăt broă lơh kơl jăp tàm bơta krơi is bơh tơl lơgar dê, ồng Nguyễn Xuân Phúc pin là mờ nùs nhơm lơh broă bal nền nòn, tơl ală bơta bơh 2 gah lơh broă do dê tàm broă chồl pràn bơcri priă lơgar Việt Nam tàm lơgar Lào, geh là bơta pràn chồl broă tơnguh bơtàu lơh sa-mpồl bơtiàn bơh 2 logar dê mờ tơnguh tai nùs nhơm tam klăc g^t gơ\p, lơh bơyô, đềt mềr bal bơh làng bol 2 lơgar.