VOV4.K’ho – Sơn đờm bơh nam 2004, nhai 3 pah nam là Nhai ơruh pơnu geh Đoàn dà lơgar lam lơh tus jơh ală rơnàng kơnòm să tàm gùt lơgar mờ nùs nhơm “Ơruh pơnu lơh broă tài mpồl bơtìan, mpồl bơtìan sền gròi, bơ to pơlam ơruh pơnu”. Nhai ơruh pơnu sơn đờm lam lơh nàng ală cau kơnòm să in tơnguh bơta jơh nùs, kơp kờ` tă pơgồp. Mờ nùs nhơm hơ\, bơh lồi nhai 2 tus tu\ do, rơnàng cau kơnòm să tàm gùt lơgar đơs bal, tàm tiah Tây Nguyên đơs is gam geh ua\ broă lơh ngan ngồn gờm chờ tơngkah 90 nam ngai crơng gơs Đoàn Ơruh pơnu Cộng sản Hồ Chí Minh.

Tòm 80 nam lài, tàm Pác Bó, xã Trường Hà, kơnhòal Hà Quảng, càr Cao Bằng, Bác Hồ neh rê wơl hờ lơgar, să tờm đơng lam tơn kac màng Việt Nam. Mờ bơta kuơmàng hơ\, xã Trường Hà neh geh rơ wah nàng Đoàn Ơruh pơnu Cộng sản Hồ Chí Minh dà lơgar  lam lơh dùl ròt ală broă lơh bềng bơta kuơ gờm chờ cồng nha pơrjum dờng gùt lơgar dơ\ 13 bơh Đảng dê mờ tơngkah 90 nam ngai crơng gơs Đoàn Ơruh pơnu Cộng sản Hồ Chí Minh dà lơgar (26/3/1931- 26/3/2021) mờ sơn đờm lam lơh Nhai ơruh pơnu nam do.

Bi Bùi Quang Huy, Ủy viên rơcang lài Đảng dà lơgar, Bí thư Thường trực Đoàn dà lơgar pà git: “Nhai ơruh pơnu bol hi sền gròi tus 2, 3 tơngume dong kờl ơruh pơnu tàm broă sơn đờm mut lơh broă. Gơ wèt mờ Nhai ơruh pơnu là tu\ nàng tơnguh nùs nhơm lam lài, bơta pràn kơnòm să bơh ơruh pơnu gùt lơgar dê, mơkung là tu\ nàng ală kấp bộ đoàn cribơyai hòi jà bơta sền gròi bơh kấp ủy, gơ noar atbồ, bơh mpồl bơtìan dê gơ wèt tus mờ ơruh pơnu đơs bal. Bơh hơ\, ơruh pơnu gơtùi tus bal 2, 3 broă lơh tàm bơtàu tơnguh lơh sa, mpồl bơtìan đơs bal bơh dà lơgar dê.”

Di tu\ do, Đoàn Ơruh pơnu Cộng sản Hồ Chí Minh dà lơgar kung pà ua\ broă lơh ơruh pơnu tàm càr Cao Bằng, bè: Sơn đờm lam lơh hìu chài rơ gơi [òn kòn cau Lô Lô tàm kơnhòal Bảo Lạc, càr Cao Bằng mờ kờp jơh pria\ tă lơh 1 tơmàn đong, ai ngui hìu sền sră hìu bơsram tàm xã Đức Long, kơnhòal Hòa An kờp pria\ 200 tơlak đong, sơn đờm lam lơh wơl hìu rơng Kim Đồng tàm kơnhòal Hà Quảng mờ pria\ tă lơh 230 tơlak đong…

Lam lơh broă lơh wơl hìu rơng bi Kim Đồng tàm Cao Bằng

Bal mờ gùt lơgar, Tỉnh đoàn Dak Lak neh bơyai lơh sơn đờm lam lơh Nhai ơruh pơnu nam 2021 mờ ală broă lơh geh kuơ. Tàm dơ\ sơn đờm lam lơh, Tỉnh đoàn neh jàu 10 nơm rơndeh coh ai ală kơnòm dềt r[ah sơrlèt gan kal ke, jàu 2 bơnah pria\ bơcri sơn đờm mut lơh broă (tơl bơnah geh 20 tơlak đong) ai ơruh pơnu sơn đờm mut lơh broă mờ broă lơh tam rơpung jàl tàm hìu krơh mờ ròng ka ti dềt nàng nhơl. Bơyai lơh tam chi sùm sùm kah ưn ngài Bác Hồ tàm Tiah tờm lơh broă ơruh pơnu.

Geh dờp pria\ dong kờl sơn đờm mut lơh broă, bi Lê Minh Đông ơm tàm kơnhòal Ea Hleo, càr Dak Lak đơs: “Ưn ngài Tỉnh đoàn neh dong kờl a` in pria\ sơn đờm mut lơh broă do. Tu\ do, a` gam tam rơpung jàl tàm hìu krơh, den pria\ bơcri do a` geh ngui dùl bơnah nàng pơn jat tai tam rơpung jàl mờ dùl bơnah den geh tam dâu tây tàm hìu jàl. Đơs bal gơ wèt mờ ơruh pơnu sơn đờm mut lơh broă den bơta pria\ bơcri là kal ke ngan den tàng geh bơta dong kờl mờ dùl khà pria\ bè do là niam ngan”.

Mờ tơngume Pơn iờ să bơhìan ờs mờng Đoàn ơruh pơnu Cộng sản Hồ Chí Minh, tàm nhai ơruh pơnu nam do, bal mờ broă gàr ală mpồl ơruh pơnu lơh broă dong kờl is rơcang sơndră kòp Covid-19, cau kơnòm să Dak Lak geh lam lơh ua\ broă lơh bè jàu ală bơnah pria\ bơcri sơn đờmmut lơh broă ai ơruh pơnu in mờ kờp jơh mờr 300 tơlak đong, bơyai lơh pơlam bơta chài sơn đờm mut lơh broă mờ yal tơnggit jòi broă lơh ai ơruh pơnu in; tìp mat lơh quèng kuang bàng đoàn lài do bơh ală tu\ tơngai; lam lơh ală broă lơh, bơnah broă ơruh pơnu dipal tàm càr, tus bal bơtàu tơnguh lơh sa, bơt bơtàu [òn lơgar pa.

Tàm xã Tân Hội, Huyện đoàn ĐứcTrọng, càr Lâm Đồng kung bơyai lơh ai cau lơh broă lơh jat Nhai ơruh pơnu mờ ngai dơ\ 7 lơh broă dong kờl is nam 2021. Tàm do, ua\ broă lơh, bơnah broă ngan ngồn neh geh lam lơh bè: Broă lơh “Drà drơng rài kis làng bol ờ huan sang sồ sia\ đù; pà phan, jàu pria\ dong kờl bơsram ai ală kơnòm bơsram r[ah bơsram jak in; phàt 500 pang sră cih jơnau tơnggit mblàng yal bè rơcang sơndră kòp Covid-19 ai làng bol mờ đoàn viên, ơruh pơnu in.

Tỉnh đoàn Dak Lak jàu pria\ dong kờl sơn đờm mut lơh broă ai ơruh pơnu in

Ai tàm càr Dak Nông, Đoàn Khối ală anih lơh broă mờ mpồl lơh sa kă bro càr neh pơgồp bal mờ Đoàn kấp hơ đơm Kong ti Trà Dak Nông – TKV bơyai lơh srơh tam chi “Tài dùl hìu ma\i tơlir”. Broă lơh hòi jà đoàn viên, ơruh pơnu kong ti jơh nùs lơh jat srơh tam pa rlau 1 rbô tờm chi tàm suơn, tàm [làng bơh hìu ma\i dê. Ală chi đoàn gơ wèt kong ti ki\ jơnau hơ pơrgon sền gàr mờ sơngka sền gàr tờm chi, mờ broă lam lơh êt ngan rlau jơh 1 broă lơh tờm chi tơlir, tơl nă đoàn viên tam dùl tờm chi lơh gơlik anih lơh broă tơlir- sàng goh- niam bơne\.

Sền gròi tus rơnàng kơnòm să mờ broă lơh bơh Nhai ơruh pơnu nam do dê, ồng Châu Ngọc Tuấn, Phó Bí thư Thường trực Tỉnh ủy Gia Lai pa geh dơ\ lơh broă mờ Ban Thường trực Tỉnh đoàn bè broă lam lơh Nhai ơruh pơnu. Đơs tàm dơ\ lơh broă, ồng Châu Ngọc Tuấn sồr: Bal mờ broă lơh jat tơngume, broă lơh nam do bơh Đoàn dà lơgar lam lơh, Tỉnh đoàn Gia Lai pal lam lơh jat ngan ngồn ală tơngume gơ jat bal mờ kơ nòl broă tờm, bơtàu tơnguh lơh sa mpồl bơtìan bơh càr dê. Tàm hơ\, pal sền gròi tus broă mblàng yal đoàn viên, ơruh pơnu, kơnòm pa tàu, kơnòm dềt mờ làng bol bè broă lơh te\ khà kuang bàng Quốc hội khóa 15 mờ kuang bàng Hội đồng Nhân dân ală kấp, tơngai lơh broă bơh nam 2021 tus nam 2026; bè kơ nòl broă bơh làng bol dê gơ wèt tus mờ dơ\ te\ khà.

Cau mblàng K’Duẩn