Tơnơ\  geh jai pha Đăk Tô-Tân Cảnh tàm ngai 24/4/1972, ù tiah Đăk Tô bơh càr Kon Tum neh gơ gơs la tiah pôs đồng,  anih tơrbo\ kuơ màng ngan mờ Hạ Lào, Đông Bắc Campuchia mờ gùng ce pơn diang phan mờ đah mat tơngai mut Trường Sơn tus đah mat tơngai lik Trường Sơn. Đăk Tô gơ gơs la phan coh mờ jơng, pơ gồp bal pràn  bal mờ ling klàng làng bol gùt lơgar ai bơta jak,  pràn, phan bơna, phào crong bơh ling he tus hờ tiah tam lơh đah jum nàng  geh gơ tus jai pha lồi dut tàm  3 nam tơnơ\.

Chồl guh bơhìan rài  kah yau pơnrơ ngan,  tàm ala\ nam  tơnơ\ mờ geh tơng klàs, Đăk Tô la kơnhòal tờm ngan bơh càr Gia Lai-Kon Tum go\ ngan mờ ala\ srơh broa\\ lơh, bè mus rồ ù pơ ơnàng blàng sre,  lơh kòi sre,  lơh geh Hợp tác xã, mut lơh khóan 100 mờ ua\ broa\ ndai. Mờ kung tàm tu\ tơngai lơi, Đảng bộ,  gơnoar atbồ, ling klàng mờ làng bol kơnhòal Đăk Tô drờm sùm lam lài nùs nhơm tam klac, at tê bal, dùl  nùs bơt bơtàu kơnhòal slơ ngai slơ bơtàu tơnguh. Pơnỳơ sa\ ngan tềng bơta gơ kis gơs wơl bơh ù tiah ồs Đăk Tô khin cha jak chài, ồng Trịnh Quang  Vinh, 73 sơnam  kis tàm khối 7, thị trấn Đăk Tô ai git:

 Muh mat bơh Đăk Tô neh bơtàu tơngguh ngan. Phan bơna geh lơh la niam ngan, kloh dờng. Gùng mờ bê tông mờ la\  chài bè tàm tiah drà 100% bloh. Rài kis phan bơna geh bơtàu tơngguh niam. Geh kờp bal pah nam sùm nam tơnơ\ jơnhua rlau mờ nam lài. Ala\ hìu nha\ den geh rài kis  ngap lơngai niam.

Ala\ cau lơi sùm geh lòt hờ đah tô,  mù hờ đah jum tàm gùng sơnđan Hồ Chí Minh, pah tu\ lòt gan Tân Cảnh, tiah mờ pơgap mờ do 45 nam la anih tờm pôs ling E42,  atbồ rcang gàr Đăk Tô-Tân Cảnh mờ Mỹ-Ngụy sơnđan la ù tiah lòs tàm đah tô Tây Nguyên, ngan la neh geh 2, 3 dơ\ lùp is sa\ tờm: Ntềng tiah tam lơh cui rcai ngan bơh bềng bơta tơlir gơs bơh cao su, kơphe mờ plai chi, bơkàu? Xã Tân Cảnh bơh Đăk Tô tu\ do la dùl pơnrơ lam lài ngan tàm bơt bơtàu [òn lơgar pa.

Tàm lồi nam 2015,  Đảng bộ, gơnoar atbồ mờ rlau 5 rbô làng bol bơh 12 jơi bơtìan kòn cau oh mi tàm xã neh lơh geh bơta jak ngan tu\ geh rê gơs lài bơt bơtàu [òn lơgar pa gờ` rlau 5 nam pơndrờm mờ kờp du\ bơh sơnrờp. Geh kờp bal pah nam  bơh tơl na\ làng bol tàm do geh rlau 26 tơlak pria\, khà hìu nha\ rbah mìng gam di 6,3%. Chờ rlau tai la bơta git wa\ brồ guh kung bè kơnòl mờ bơta bơtàu tơngguh bơh ù tiah pal tơp ntìng, dà mhàm, dà kơlhề bơh git nđờ rnàng cau sùm gam  sùm tàm tơl cau kuang mờ làng bol tàm do.

Sùm ờ suk mờ broa\ jòi bơta nàng geh gơ guh nisơna Tân Cảnh in pơnjat tai geh bơtàu tơngguh mhar mờ kơljap, ồng A Chiến, Chủ tịch UBND xã Tân Cảnh ai git:

Xã gam lơh ngan  lam sồr làng bol crơng gơs Hợp tác xã, Tổ hợp tac, hơ\ sồng trơ gùm ù tiah nàng lơh sa lơh geh pria\ jền ua\ rlau tai, jơnhua tàm dùl ba\ ù. Pal sùm  geh  mut lơh sùm  mờ hơ\ la tiah kis. Tiah kis  bơh [òn lơgar, hơ\ sồng tiah kis tàm lơh sa ka\ bro.

{òn lơgar bơh Đăk Tô dê bơh broa\ lơh dà lơgar dê la bơt bơtàu [òn lơgar pa gam geh gơ tam gơl pah ngai mờ cồng nha nền nòn neh geh 2 xã: Tân Cảnh, Diên Bình geh dờp la xã [òn lơgar pa. Mờ tàm thị trấn, srơh bơt bơtàu ala\ [òn  gùng drà gơguh jak, lơh gơs ồs đèng   pờ àng tềng gùng, lơh bê tông ala\ gùng sơne\, dềt tàm làng bol geh lơh tiah lơi kung kờ` lơh lơm. Thị trấn Đăk Tô lơh ngan tơl khà la tiah drà bơta 4 tàm nam 2020. Nam pa do, geh kờp bal tơl na\ cau bơh làng bol thị trấn Đăk Tô neh geh mờr 40 tơlak pria\ tàm dùl na\ cau. Khà hìu nha\ rbah gơmù mìng gam di 3,7%. Phan bơna geh bơt bơtàu drờm bal, sùm geh pơ ơnàng mờ cồng nha ngui jơnhua. Ồng Nguyễn Xinh, Bí thư Huyện ủy Đăk Tô ai git, bal mờ ala\ cồng nha lơh geh, kơnhòal  git wa\ geh loh ngan bơta lòng  gam lơh geh tàm tơngai bơtàu tơngguh pa mờ neh geh broa\ lơh di pal nàng  sơrlèt kal ke:

Mờ kơnhòal Đăk Tô bơdĩh mờ ờ ua\ xã ua\ ngan kal ke neh geh dà lơgar dong kờl, gam wơl den bol a` geh ai git la pal lam sồr làng bol lơh ngan mut lơh  bơh sa tờm, ngan la tàm broa\ lơh sa. Kơnhòal kung  ai git,  la bơta pràn ngan bơh kơnhòal dê gam ờ hoan pràn ngan den tàng kờ` geh broa\ lơh hòi jà bơcri, lơh geh bơta ha pah nàng hòi jà bơcri. Phan bơna  kuơ tàm ù geh tơnhàu kung pal lời gơ geh gơ mòn  tai   nàng  gàr geh phan bơna mờ tiah kis niam.

Rê wơl Đăk Tô 45 nam tơnơ\ geh tơng klàs, kung la tu\ di tơng kah 42 nam ngai  tơng klàs jơh đah jum dà lơgar, tềng jơng rùp jai pha  tam lơh Đăk Tô-Tân Cảnh  jơnhua tàm trồ tơlir nhai poan kah yau dà lơgar, bềng tàm  bơta  kơ mờ bùng bi  bal mờ sap nho\ boh gơbài  hờm ram, go\ loh bơta kuơ bơh rài ngap lơngai,  ờ do ờ da\, khat gơboh  bal mờ lơh ngan cih gơs ala\ pang  rài dà lơgar pa tàm  dơ\ bơt bơtàu mờ bơtàu tơngguh.

                                               Cau cih mờ yal tơnggit K’ Brọp.