VOV4.K’ho - Gah yal jơnau tơngit TASS pơlam jơnau tơngit bơh anih sơn io rùp Fuju TV lơgar Nhờk dê pà git, lơgar Nhờk mờ mpồl ling lềng dà lơgar Islam IS neh lơh geh bơta ringbal tơngklàs cau ai tơngit jơnau đơs lơgar Nhờk la ồng Kenji Goto gam gơtìp mpồl IS kup, tam gơl wơl khat gơ boh ai 1 nă cau ùr lơgar Iraq sơnđan Sajida Al Rishawi, la cau neh mut lơh dơ\ bơr toh bồm tàm lơgar Jordan tàm nam 2005 lơh 60 nă cau chơt. Mơya, jơnau yal tơngit do kung gam ờ hềt git ngan lah ờ, mơkung ờ hềt geh 1 jơnau yal tơngit lơi dờp git bơh kuang bàng lơgar Nhờk mờ lơgar Jordan bè bơta ringbal do. Tàm jơnau yal bơr pa ngan rlau jơh ngai òr 28/01, gơnuar atbồ lơgar Nhờk đơs tờm geh ờ sang bơta lơh ngan kờ` tơngklàs cau gơtìp mpồl IS kup.