VOV4.K’ho - Bu\ lah Dà Làc – Lâm Đồng ờ hềt geh dờp cau lơi gơtìp kòp Covid-19, geh sền là tiah tus niam ờ do ờ dă, mơya khà năc nhơl chờ tus nhơl sền, ơm rơlô să gam gơmù tus 90% pơn ndrờm mờ lài.

Ờ geh năc, uă hìu kă bro, broă lơh drơng ala gơtìp kal ke den tàng pal til mpồng, mơya kung geh ală mpồl lơh sa kă bro nhơl chờ gam lơh sa kă bro, lơh ngan brồ guh mờ kal ke mờ sùm geh tàm nùs nhơm rơcang lài wă năc.

Tơnơ\ mờ ală poh geh gal cau năc tus di tàm bồ kàl rơlô bơkang, nhơl chờ Dà Làc – Lâm Đồng gơtìp wah rơwời ing. Dơ\ gơbàn kòp Covid-19 dơ\ bàr tàm [òn dờng Đà Nẵng tàm lồi nhai 7 lài do neh lơh khà cau năc tus càr Lâm Đồng wah rơwời ngan.

            Anih rơndeh ồs ơm, anih tus sền broă lơh hìu niam mờ sền kờ` g^t broă pơn diang niam bơne\ ngan Dà Làc dê

Rơlao 16 rơbô anih neh dan lài gơtìp sơbì, g^t nđờ rơhiang dơ\ nhơl chờ lòt mờ tus tàm tiah do gơtìp ơm ing. Ồng Nguyễn Thanh Tùng, kuang atbồ tiah nhơl chờ `rùh Datanla, mpồl bal mờ Công ty Cổ phần nhơl chờ Lâm Đồng pà g^t:

-Tu\ gơbàn kòp gơtòp tàm [òn dờng Đà Nẵng den khà cau năc tus tàm ală tiah, ală anih nhơl chờ kung bè nhơl sền, ơm rơlô să tàm Dà Làc gơlơh bè gơmù ngan bơh 80 tus 90%.

Tu\ do cau năc wah rơwời ngan, mơya geh ờ uă mpồl lơh sa kă bro nhơl chờ gam lơh broă sùm nàng drơng cau năc in, geh sùm broă lơh ai khà kuang bàng, cau lơh broă gam tai in.

Ồng Nguyễn Thanh Tùng kung yal tai, TripAdvisor (do là dùl pang website nhơl chờ dờng mờ geh pơnrơ ngan dunia dê) pa yal, `rùh Datanla (Dà Làc) dê geh cau năc rơwah mu\t tàm mpồl 10 ală tiah nhơl chờ niam ngan tàm gùt dunia mờ geh pơn jờng mùl màl tàm tơngai tus.

Cồng nha do geh ai bơh broă sền nàng g^t, rơndăp săp sèng bơh cau năc nhơl chờ tus bơh ală tiah nàng jào pà ală tiah nhơl chờ niam bơne\ ngan. Kơ\p kờ`, mờ broă sền gròi niam kòp Covid-19, broă lơh drơng ala bơh mpồl lơh sa do tàm tơngai tus geh brồ guh.

                       ~rùh Datanla geh cau năc rơwah mu\t tàm mpồl 10 ală tiah tus nhơl niam gùt dunia

Jăt ồng Nguyễn Hữu Trung Nhã, dùl nă cau tòm hìu năc ơm tàm [òn dờng Dà Làc yal, bu\ lah khà priă tă gơl^k geh nàng sơndră mờ kòp gơtòp, mơya nàng sền gàr cau năc, mpồl lơh broă do tu\ lơi kung rơcang bơcri priă. Lơh broă kă bro nhơl chờ kung pal lơh ngan brồ guh sơrlèt mờ kàl kòp gơtòp, ală broă lơh geh wơl bè ờs.

-Kờ` geh sùm dùl anih lơh broă bè hơ\, den pal geh ală gah, mpồl lơh broă bal mờ mpồl kuang bàng, cau lơh broă nàng drơng cau năc in, mơya priă ờ geh den lơh aniai uă ngan tus mờ rài kis cau lơh broă.

Bơta cau năc sơbì anih ơm uă ngan, mơya he kung pal tam pà bal tài kơnòl bal bơh gùt làng bol dê. Pal ai lài nàng lơh gơs kơnòl bơh dùl nă làng bol dê. He pal geh ală broă sền gàr cau năc, bè dà rào tê, chèo gòm muh măt, pal kloh niam.

Tu\ geh cau năc tus den pal dan mờ gơnoar atbồ [òn lơgar nàng sền gròi kòp nền nòn, tus bal mờ [òn dờng nàng lơh jăt ală broă neh geh ai.

Jăt mò Nguyễn Thị Bích Ngọc, Phó kuang atbồ Sở Văn hoá – Thể thao mờ Du Lịch càr Lâm Đồng đơs, pal gơdờp mờ kòp gơtòp, mpồl bơtiàn ală mpồl lơh sa kă bro nhơl chờ tàm [òn dờng rơhời lơh gơs ală broă lơh nàng geh sùm broă kă bro pa.

Mơya, tàm bơta jo\ jòng mờ jơh gùt mpồl den gam pal geh dùl broă lơh pràn, ndrờm bal rơlao bơh Dà lơgar dê.

-Bol a` tam pà ngan mờ jơh ală mpồl lơh sa kă bro gam lơh broă kă bro nhơl chờ. Di lah kơlôi là anih lơh broă dà lơgar pal gờ` lơh jăt ală khà priă dong kờl ai cau lơh broă in, tài mùl màl broă tơm priă nhai cau lơh broă in gam là bơta kal ke ngan mpồl lơh sa kă bro dê.

Di lah mpồl lơh sa kă bro ờ geh priă lơh den broă gàr cau lơh broă sơlơ kal ke. Dùl broă tai là gam pơn jăt tai ngui broă tơmù ală bơta priă gơwèt mờ nhơl chờ. Pa do mìng geh mpồl lơh sa kă bro ơm b^c hơ\ sồng geh dờp broă dong kờl ồs đèng, gam gơwèt mờ ală mpồl lơh sa kă bro drơng ala bè priă ai tiah nhơl chờ kung kas ngan den ờ hềt geh dong kờl.

Den tàng, pal pơn jăt tai pờ ơnàng cau nàng gàr niam ai ală mpồl lơh sa kă bro drơng ala geh lơh broă. Mpồl lơh sa kă bro geh lơh broă den tơnơ\ mờ hơ\ hơ\ sồng geh tơnguh bơtàu.

Jăt UBND càr Lâm Đồng yal, kờp tus tu\ do, tàm càr Lâm Đồng geh 35 tiah nhơl sền geh bơcri priă mờ lơh sa kă bro. bơdìh hơ\ tai, càr gam geh 60 anih nhơl sền ờ sa priă. Hơ\ là ală tiah niam geh is, ală broă lơh niam, hìu yàng, [òn lơh broă, [òn kòn cau kis bơh yau, phan yau… mờ 33 anih nhơl chờ lơh sa suơn sre drơng tàm broă nhơl sền, pơ-rài bồ tơngoh cau năc in.

Ală tiah nhơl chờ do neh ai geh uă bơta nàng gah nhơl chờ càr bơ\t bơtàu ală dơ\ nhơl chờ tàm càr tơngai tus do in. Tu\ do, càr kung geh 2o6 250 hìu năc nhơl chờ ơm, gơguh uă rơlao 2 dơ\ nggùl pơn drờm mờ nam 2015.

Tềng đăp mờ broă tam dră jo\ jòng mờ kòp Covid-19, broă kă bro nhơl chờ tàm [òn dờng Dà Làc, càr Lâm Đồng ờ gơtùi lơh is dùl nă să, mờ pal geh broă dong kờl di tu\ bơh ală broă dong kờl bơh Dà lơgar, broă bơto pơlam, pơgồp bal bơh uă gah broă gơrềng bal.

Geh bè hơ\, hơ\ sồng gah nhơl chờ geh tơl pràn sơrlèt mờ ală bơta tơlòng tềng đăp măt, tu\ lơi kung rơcang brồ guh pràn kơl dang tơnơ\ mờ tu\ kòp gơtòp neh geh sền gròi.

Cau cih Quang Sáng-Cau mblàng Ndong Brawl