VOV4.K’ho – Rơndap broă pơgồp bal priă bơcri bơh ală mpồl lơh sa kă bro dà lơgar neh ai go\ bơta dipal tàm ală nam do, tu\ dong bơsong bơta lơyài, nùs nhơm kơldìng, tơnguh bơta rơcang lài, jơh nùs bơh ală mpồl lơh sa kă bro dê. Do kung là bơta ngan ngồn tàm càr Gialai, dùl càr geh uă bơta pràn nhơl chờ, mơya broă nhơl chờ den bơtàu tơnguh ờ pràn. Tơnơ\ bơta pơgồp bal priă bơcri, nhơl chờ Gialai neh tam gơl pràn ngan tu\ ală mpồl lơh sa kă bro geh rơndap broă loh làng, khin cha bơcri priă, lơh gơs bơta li la ală bơta broă drơng ala:

Công ty Cổ phần Gia Lai CTC là dùl pơn rơ bơh cồng nha pơgồp bal priă bơcri tàm càr Gialai. Bơh dùl mpồl lơh lơma càr Gialai – Kontum dê, tơnơ\ pơgồp bal priă bơcri, công ty neh geh ală tam gơl kuơ màng ngan. Jơh bal gah lơh broă mờ bă tiah kă bro ndrờm geh rề ơnàng, gơs là công ty kă bro nhơl chờ, hìu nac dờng ngan tàm càr Gialai, geh ròt ală hìu sră tàm uă càr, [òn dờng. Kờp jơh priă jền công ty dê gơguh 6 dơ\, gơguh mờr 300 tơmàn priă, priă bơcri gơguh mờr 9 dơ\, tus khà 88 tơmàn priă. Ală broă lơh mờ công ty bơcri lơh bè suơn nhơl chờ chài rơgơi – brê bơnơm Đồng Xanh, hìu nac Tre Xanh Plaza… neh gơs là bơta pơn rơ ngan [òn dờng Pleiku dê. Ồng Nguyễn Minh Ngọc, Phó kuang atbồ Công ty cổ phần Gia Lai CTC đơs: “Tơnơ\ mờ tu\ pơgồp bal priă bơcri, Công ty pal lơh tờm is bè priă bơcri kung bè rơndap wơl broă lơh sa kă bro. Tu\ do, công ty bol a` neh geh uă ngan bơta bơtàu tơnguh kung bè đal git lài rơndap broă bơtàu tơnguh he dê. Rơndap broă bơh công ty dê tus mờ nhơl chờ den công ty geh tam klac mờ ală công ty ờs mờng bè nhơl chờ nàng mut lơh ală broă lơh kờ` yal tơnggit tus cau nac, cau nhơl chờ in nàng khi git bè bơta niam chài rơ gơi bơh Tây Nguyên brê bơnơm dê.”

Dùl pơn yơu ndai kơnờm pơgồp bal priă bơcri là Công ty cổ phần nhơl chờ Gia Lai. Tơnơ\ mờ tu\ pơgồp bal priă bơcri nam 2016, bă tiah kuơ màng rlau rbô thơk vuông tàm gùl [òn dờng Pleiku, lài do nhơt hòn bềng neh gơs là mpồl hìu nac, anih tờm pơrjum, hìu tac phan sa pa ngan rlau jơh Gialai. Kờp jơh priă jền công ty dê neh gơguh rlau 13 dơ\ tơnơ\ 10 nam.

Mờ kung ndrờm bè ală mpồl lơh sa kă bro ndai, công ty cổ phần broă drơng ala nhơl chờ Gia Lai neh đal git rơndap broă bơtàu tơnguh dipal. Ồng Nguyễn Trần Hanh, kuang atbồ công ty pà git: “Rơndap broă công ty dê tàm 5 nam tus den kung bơt bơtàu lài broă rơndap lơh mùl màl ngan. Lài ngan là lơh niam hìu nac Pleiku gơs 3 sơmA`. Dơ\ 2, nam do geh bơcri mut lơh hìu nac 2 sơma` tàm sồ 86 gùng Nguyễn Văn Trỗi. Tơnơ\ hơ\, bol a` geh rơndap broă mờ neh geh Ủy ban nhân dân càr ki\ là bơcri mpồl hìu nac Hùng Vương geh khà tơl 4 sơma` bal mờ ală broă drơng ala gơ jat bal, gàr tơl phan bơna nàng drơng nac nhơl chờ kung bè nac tus sền, ơm rlô să tàm Gialai.”

Jat ồng Phan Xuân Vũ, kuang atbồ Sở chài rơgơi – tàp pràn să jan mờ nhơl chờ càr Gialai, 2 mpồl lơh sa kă bro nhơl chờ dà lơgar bơh càr dê pơgồp bal priă bơcri geh cồng nha, ờ mìng tàm bơta tơnguh priă jền, phan bơna, tơnguh ală broă lơh bơcri priă, mờ gam lơh niam tai ală broă lơh chài rơgơi – nhơl chờ, pơgồp bơnah bơtàu tơnguh bơta pràn do tàm càr. Ồng Phan Xuân Vũ đơs: “Pơgồp bal priă bơcri là lơh gơs bơta sơnơng mờ broă lơh pal drơng jat jơnau kờ` bơh drà kă bro dê. Tài bơta kis jo\ bơh gah nhơl chờ dê là tàm pơr lòng khà priă, lơh bè lơi drơng broă, drơng jơnau kờ` cau nac dê, khà priă dipal mờ ngai sơlơ tam gơl pa. Tus tu\ do, ală mpồl lơh sa kă bro do neh mut lơh pơgồp bal priă bơcri geh cồng nha mờ tàm broă lơh hơ\, khi neh tơnguh hời rơ hời bơta niam broă drơng ala.”

Tơnơ\ rlau 10 nam pơgồp bal priă bơcri ală mpồl lơh sa kă bro nhơl chờ jat jơnau đơng lam bơh Chính phủ dê, ală mpồl lơh sa kă bro tàm càr Gialai neh ai go\ cồng nha kă bro. Lơh tờm is bè priă jền, jơh nùs tàm broă kă bro, rơcang lài mut gơ rờm bal, sền gròi tàm cồng nha là ală bơnàng jă kuơ màng nàng ală mpồl lơh sa kă bro do pơnjat tai bơtàu tơnguh mờ tàm pơr lòng mờ ală mpồl lơh sa kă bro ndai tàm tơngai tus. Bơh hơ\, dong gah nhơl chờ càr Gialai dê ngui ală bơta pràn, pơgồp bơnah lam càr r[ah Gialai bơtàu tơnguh.

                                                                      Cau cih mờ yal tơnggit K’Duẩn